અરવલ્લીમાં ભારે વરસાદને પગલે શાળામાં ફસાયેલા વિદ્યાર્થીઓને JCBની મદદથી રેસ્ક્યુ કરાયા

ભારે વરસાદના કારણે કેટલાક જિલ્લામાં પાણી ભરાઈ ગયા હતા. અને રોડ પર નદી વહેતી હોય તેવા દર્શયો સામે આવ્યા હતા. ત્યારે સજાપુરમાં એક બાઈક ભારે પાણીના પ્રવાહમાં તણાઈ જાતી જોવા મળી હતી. પરંતુ કેટલાક યુવકોએ બાઈકને પ્લાસિટકનું દોરડું બાંધી પાણીના સામા પ્રવાહે ખેંચી લીધી હતી. જેથી બાઈક પાણીમાં વહી જતા બચી હતી.

હવામાન વિભાગે રાજ્યમાં આગામી 48 કલાક ભારેથી અતિભારે વરસાદની આગાહી કરી છે. હવામાન વિભાગના જણાવ્યા અનુસાર 6 ઓગસ્ટથી 10 ઓગસ્ટ સુધી રાજ્યમાં ભારેથી અતિભારે વરસાદ વરસશે. તેમજ 8 અને 9 ઓગસ્ટે રાજ્યમાં ભારે વરસાદની આગાહી કરવામાં આવી છે. જ્યાં દક્ષિણ ગુજરાત ભારે અને સૌરાષ્ટ્રમાં અતિભારે વરસાદ પડવાની સંભાવના વ્યક્ત કરવામાં આવી છે. તેમજ ઉત્તર ગુજરાત અને મધ્ય ગુજરાતમાં ભારે વરસાદની આગાહી કરવામાં આવી છે. વરસાદની એક સિસ્ટમ સક્રિય બની છે તેમજ મોન્સૂન એક્ટિવિટીને કારણે ભારે વરસાદની આગાહી હવામાન વિભાગ દ્વારા કરવામાં આવી છે. માછીમારોને 8 અને 9 ઓગસ્ટે દરિયો ન ખેડવા ચેતવણી આપવામાં આવી છે.