માલપુરના સવાપુર ગામે યોજનાઓ અમલમાં મૂકી કરોડોનો ખર્ચ કરાયો

માલપુર તાલુકાનું સવાપુર ગામ ટીસ્કી ગ્રામપંચાયત હેઠળનું ગામ છે. આ ગામમાં પાણી માટે સરકારના પાણી પુરવઠા વિભાગ દ્વારા સાતરડા ખાતે આવેલ સંપમાંથી પાઇપ લાઇન દ્વારા ટાંકો બનાવી એ ટાંકા દ્વારા સ્થાનિક જનતા પાણી આપવા માટે યોજના અમલી બનાવી આ યોજના અનુસાર પાણીનો ટાંકો બનાવવામાં આવ્યો છે.

પાઇપલાઇન પણ નાખીને ટાંકા માં પાણી નાખવામાં આવ્યું પરંતુ પાઈપલાઈન અને વાલ્વ સહિત પાણીના ટાંકાની બનાવટની હલકી ગુણવત્તાના કારણે પાણી ટાંકામાં ટકતું જ નથી. સ્થાનિક જનતાએ અનેકવાર તંત્રમાં રજુઆત કરી છે, પણ તંત્ર કોઈ રજૂઆત સાંભળતું નથી. પરિણામે કરોડોનો ખર્ચ કર્યો હોવા છતાં આજે સવાપુર ગામની જનતા પાણી વગર ટળવળી રહી છે.