મોડાસાના ખુમાપુર પાટિયેથી દારૂની 28 બોટલ સાથે 3 ઝબ્બે

મોડાસાના લીંભોઈ રોડ ખુમાપુર પાટિયા પાસેથી રૂરલ પોલીસે માંડી સાંજે અડધા કલાકમાં બાતમી આધારે વિદેશી દારૂની હેરાફેરી કરતાં અમદાવાદના અમરાઈવાડી નહેરુ નગર ઝૂંપડા વિસ્તારમાં રહેતા ત્રણ શખ્સોને દારૂની રૂ.14000ની 28 બોટલ સાથે દબોચી લીધા હતા.

મોડાસા રૂરલ પોલીસ ગ્રામ્ય વિસ્તારમાં પેટ્રોલિંગમાં હતી. તે દરમિયાન માહિતી મળી હતી કે મેઢાસણ તરફથી ત્રણ ટુ વ્હીલર પર ત્રણ શખ્સો દારૂની બોટલ લઈને ખુમાપુર પાટિયા પાસેથી પસાર થવાના હોવાની બાતમીના આધારે પોલીસે એક્ટિવા નં. gj 27 dp 35 04 પર કિરીટ ભીખાભાઈ વાઘેલા નાડીયાને દારૂની બોટલ નંગ 12 કિં.6,000 સાથે ઝડપી લીધો હતો. જ્યારે થોડીક જ મિનિટોમાં ત્યાંથી પસાર થઈ રહેલા માનવ નરેશભાઈ દેસાઈને બાઇક નં. જીજે 27 એફ જી 6057 પર દારૂની 4,000ની 8 બોટલ સાથે ઝડપી લીધો હતો. ત્યારબાદ પોલીસે ત્યાંથી પસાર થઈ રહેલા ક્રિષ્ના રમણભાઈ પરમારને એક્ટિવા નંબર gj 27 dr 83 55 ઉપર દારૂની ₹4,000ની 8 બોટલ સાથે ઝડપી લીધો હતો.