પાકિસ્તાન સરકાર અને પૂર્વ વડાપ્રધાન ઈમરાન વચ્ચે સમજૂતી થઈ છે. આ અંતર્ગત ઈમરાન ખાનની પાર્ટી પાકિસ્તાન તહરીક-એ-ઈન્સાફ (પીટીઆઈ) સરકાર સાથે વાતચીત કરવા માટે રાજી થઈ ગઈ છે. પીટીઆઈએ બુધવારે કહ્યું હતું કે તે દેશમાં રાજકીય તણાવ ઓછો કરવામાં મદદ કરવા માટે સરકાર સાથે ત્રીજા રાઉન્ડની વાતચીતમાં ભાગ લેશે.
જણાવી દઈએ કે આ ઘટનાક્રમ એવા સમયે થયો છે જ્યારે ખાનની પાર્ટી પાકિસ્તાન તહરીક-એ-ઈન્સાફના નેતાઓએ સરકાર સાથે આગામી તબક્કાની વાતચીતમાં સામેલ થવા માટે પૂર્વ શરત તરીકે પાર્ટીના સ્થાપક ઈમરાન ખાનને અવરોધ વિના પ્રવેશની માંગ કરી હતી . રાવલપિંડીની અદિયાલા જેલની બહાર મીડિયા સાથે વાત કરતા, પાકિસ્તાન તહરીક-એ-ઈન્સાફના અધ્યક્ષ ગૌહર ખાને કહ્યું કે ભૂતપૂર્વ વડા પ્રધાને પક્ષના નેતાઓને સરકારની મંત્રણા સમિતિને મળવાનો વિકલ્પ આપ્યો છે જો તેઓ તેમને સીધા ન મળી શકે.
બંને પક્ષો વચ્ચે વાતચીતને લઈને સમજૂતી થયા બાદ ઈમરાન ખાને પાર્ટીને સરકારને લેખિતમાં પોતાની માંગણીઓ રજૂ કરવાનો નિર્દેશ આપ્યો છે. સરકાર અને પાકિસ્તાન તહરીક-એ-ઈન્સાફના નેતાઓ વચ્ચે ઔપચારિક વાટાઘાટો ગયા મહિને શરૂ થઈ હતી અને અત્યાર સુધીમાં બે રાઉન્ડની વાતચીત થઈ ચૂકી છે. વાટાઘાટોનો ત્રીજો રાઉન્ડ આ અઠવાડિયે થવાની ધારણા હતી, પરંતુ તહરીક-એ-ઇન્સાફના નેતાઓને મંગળવારે ખાનને મળવાની મંજૂરી ન અપાયા બાદ મતભેદો ઉભા થયા. ખાન ઓગસ્ટ 2023થી જેલમાં છે.
