પાટણના અધાર દરવાજા નજીકથી ગાંજાના જથ્થા સાથે એક ઈસમ ઝડપાયો

પાટણ શહેરમાં ગેરકાયદેસર માદક પદાર્થ રાખવા બદલ એક વ્યક્તિ વિરુદ્ધ ગુનો નોંધવામાં આવ્યો છે. અધારા દરવાજા વિસ્તાર માંથી ૪૯૩, ૫ ગ્રામ ગાંજા સાથે આરોપી જયેશકુમાર ઉર્ફે લાલો શાંતિલાલ નાથાલાલ પરમાર (ઉંમર.36) નામના વ્યક્તિને તેના રહેણાંક ઘરેથી આ જથ્થા સાથે પકડવામાં આવ્યો હતો. જપ્ત કરાયેલા ગાંજાની બજાર કિંમત રૂ. ૪૯૩૫ આંકવામાં આવી છે.

પાટણ એ ડિવિઝન પોલીસે આરોપી વિરુદ્ધ નાર્કોટિક્સ ડ્રગ્સ પદાર્થ અધિનિયમની કલમ ૮ (C), ૨૨(a), ૨૦(b)(ii)(A) હેઠળ ગુનો નોંધી કાયદેસરની કાર્યવાહી હાથ ધરી હોવાનું જાણવા મળ્યું છે.