By પાલનપુર-અમદાવાદ હાઇવે પર એસબીપુરાના પાટિયા પાસેથી એક દારૂ ભરેલી રીક્ષા ઝડપાઇ હતી. પોલીસે દારૂ ભરેલી રીક્ષા સાથે રૂ.4.32 લાખનો મુદ્દામાલ કબ્જે કરી વધુ તપાસ હાથ ધરી છે. એલ.સી.બી પોલીસ સ્ટાફ પાલનપુર તાલુકા પોલીસ સ્ટેશન વિસ્તારમાં પેટ્રોલીંગમાં હતા. દરમ્યાન બાતમીના આધારે નાકાબંધી કરી હતી. જેમાં એસબીપુરા પાટીયા પાસે સાસુમા હોટલની આગળ હાઇવે રોડ ઉપર રીક્ષા ગાડી નં.GJ 38 WA 5755 ના ચાલક જય જસવંતકુમાર રાવળ રહે. ગોમતીપુર અમદાવાદ તથા શક્તિસિંહ શિવાજી ઠાકોર રહે.વામૈયા તા.સરસ્વતી જી.પાટણવાળાએ પોતાના કબ્જાની રીક્ષામાં ગે.કા અને વગર પાસ પરમીટે ભારતીય બનાવટના વિદેશી દારૂ/બિયર બોટલ નંગ-૨૩૨ કિ.રૂ.૨,૭૨,૩૫૪/- તથા ઓટો રીક્ષા કિ.રૂ.૧,૫૦, ૦૦૦/- તથા મોબાઇલ નંગ-૨ કિ.રૂ.૧૦,૦૦૦/- મળી કુલ કિ.રૂ.૪,૩૨,૩૫૪/- નો મુદ્દામાલ રાખી અનઅધિકૃત રીતે ઓટો રીક્ષામાં સંતાડી ચોરી છુપીથી ગુજરાતમાં ઘુસાડી ગુનો કર્યો હોઈ આરોપીઓ વિરૂધ્ધમાં પાલનપુર તાલુકા પોલીસ સ્ટેશન ખાતે કાયદેસરની કાર્યવાહી કરવામાં આવેલ છે.
