પાલનપુરની સીટી હોસ્પિટલમાં મહિલા દર્દીની છેડતી થતા હોબાળો

પાલનપુરની ખાનગી હોસ્પિટલમાં મહિલા દર્દીની છેડતી થતા હોબાળો થયો હતો. જેને પગલે મામલો પોલીસ થાણે પહોંચ્યો હતો. પાલનપુરમાં ડો.વિનોદ બાવાની સીટી હોસ્પિટલ આવેલી છે. જ્યાં દાખલ મહિલા દર્દીની અન્ય યુવક દ્વારા છેડતી કરાઈ હતી. હોસ્પિટલમાં રાત્રે સુઈ રહેલી મહિલાની છેડતી થતાં હોસ્પિટલમાં હંગામો થયો હતો. મહિલા દર્દીની અન્ય દર્દીના સગાએ  છેડતી કરતાં યુવકને પરિવારના લોકોએ મેથીપાક ચખાડી પોલીસને હવાલે કરાયો હતો. જોકે, સમગ્ર મામલે સીટી હોસ્પિટલના ડોકટરે હોસ્પિટલની ઈમેજ જાળવવા માટે મહિલા દર્દીને સહયોગ આપવાનો ઇન્કાર કરી હાથ અધ્ધર કરી દીધા હોવાના આક્ષેપો થયા હતા. દરમિયાન, પીડિત મહિલા દર્દી દ્વારા પુર્વ પોલીસ મથકે ફરિયાદની તજવીજ હાથ ધરાઈ હતી.

  • Sign up
Lost your password? Please enter your username or email address. You will receive a link to create a new password via email.