02744-220264, 222764       rakhewal@gmail.com
Rakhewal Daily
Rakhewal Daily
Rakhewal Daily
Rakhewal Daily
Rakhewal Daily
Rakhewal Daily
Rakhewal Daily
Home / Gujarat / વાવ પોલીસના જાપ્તામાંથી ચોરીનો આરોપી ફરાર થતાં ખળભળાટ

વાવ પોલીસના જાપ્તામાંથી ચોરીનો આરોપી ફરાર થતાં ખળભળાટ   19/05/2019

 વાવમાં દોઢ વર્ષ અગાઉ એક સોનીની દુકાનમાંથી ધોળાદિવસે કાઉન્ટરમાંથી બે સોનાની ચેઇન લઈ ફરાર થનાર આરોપી શનિવારે વાવમાં આવતાં દુકાન માલિકે તેને જોઈ જતાં ગામલોકોની મદદથી પકડી પાડી વાવ પોલીસને સોંપ્યો હતો. જે બીજા દિવસે એટ્લે કે આજે સવારે પોલીસને ચસ્કો દઈ ફરાર થઈ જતાં ખળભળાટ વ્યાપી જવા પામ્યો છે. 
વાવ તાલુકાના ભાચલી ગામનો ભરતભાઇ શ્રીરામભાઈ બ્રાહ્મણ દોઢ વર્ષ પહેલાં વાવમાં અરવિદભાઈ સોનીની દુકાને સોનાની ચેઇન લેવા ગ્રાહક બની આવેલો ચેઇન જોઈ તેનો ભાઈ પૈસા લઈ આવે છે તેમ કહેતા દુકાન માલીક અરવિદભાઈ સોની ચા કહેવા જતાં દુકાનના કાઉન્ટર માંથી ભરતભાઇ એ ચેઇન લઈ ફરાર થઈ ગયો હતો. જેને લઈ દુકાન માલીક અરવિદભાઈ સોનીએ વાવ પોલીસ મથકે ફરિયાદ નોંધાવી હતી. જે શનિવારે વાવમાં આવતા દુકાન માલિકે ગામ લોકોની મદદથી પકડી પાડી વાવ પોલીસને સોંપ્યો હતો. જે રવિવારે સવારે બાથરૂમ જવાનું કહેતા પોલીસે શૌચાલયમાં મુક્યો હતો. જ્યાંથી પોલીસને ચસ્કો આપી પોલીસ મથકના ધાબા ઉપર ચડી ફરાર થઈ જતા વાવ પોલીસમાં દોડધામ મચી હતી. પોલીસ ચારે બાજુ શોધખોળ આદરી હતી. જોકે આરોપી મળી આવ્યો ન હતો.

Tags :