ગૃહમંત્રી અમિત શાહની સુરક્ષામાં ફરી મોટી ચૂક, કાફલાની વચ્ચે નેતાએ ઊભી રાખી કાર

કેન્દ્રીય ગૃહમંત્રી અમિત શાહની સુરક્ષામાં ચૂક જોવા મળી છે. મંગળવારે TRSના નેતાએ હૈદરાબાદમાં શાહના કાફલાની આગળ પોતાની કાર ઊભી રીખી દીધી હતી. જોકે ગૃહમંત્રીના સુરક્ષાકર્મીઓ દ્વારા તેને તાત્કાલિક હટાવી લેવામાં આવી હતી. TRSના તે નેતાની ઓળખ ગોસુલા શ્રીનિવાસ તરીકે થઈ છે.

ગૃહમંત્રી અમિત શાહની સુરક્ષામાં ખામીના કેસમાં હેમંત પવાર (મહારાષ્ટ્રના ધુલેના રહેવાસી)ની ધરપકડ કરવામાં આવી હતી. તેને પાંચ દિવસના પોલીસ રિમાન્ડ પર મોકલવામાં આવ્યો હતો. પકડાયેલી વ્યક્તિ આંધ્રપ્રદેશના એક સાંસદનો PA હોવાનું જણાવતો હતો. તે કલાકો સુધી અમિત શાહની આસપાસ ફરતો રહ્યો હતો. આરોપીનું નામ હેમંત પવાર છે અને તે ધુલેનો રહેવાસી છે. જણાવવામાં આવ્યું હતું કે જ્યારે મંત્રાલયના અધિકારીઓને હેમંત પર શંકા ગઈ તો પોલીસને જાણ કરવામાં આવી હતી. પોલીસે જણાવ્યું હતુ કે કેસના તમામ પાસાઓની તપાસ કર્યા બાદ તેની ધરપકડ કરવામાં આવી હતી. આરોપીને સીએમ એકનાથ શિંદે અને ડેપ્યુટી સીએમ દેવેન્દ્રન ફડણવીસના નિવાસસ્થાનની આસપાસ પણ નજરે પડ્યો હતો.