કામના બદલામાં ગંદી માગણી કરતા હતા પ્રોડ્યુસર્સ

મુંબઈ, બોલિવુડમાં કાસ્ટિંગ કાઉચ તો જાણે સામાન્ય વાત થઈ ગઈ છે. ઘણી અભિનેત્રીઓ આ અંગે અવાજ ઉઠાવી ચૂકી છે. તાજેતરમાં શમા સિકંદરે પણ કાસ્ટિંગ કાઉચને લઈને પોતાને થયેલા ગંદા અનુભવ અંગે વાત કરી. તેણે એન્ટરટેઈન્મેન્ટની દુનિયાની કાળી બાજુ પરથી પડદો ઉઠાવ્યો છે. ફિલ્મ ઈન્ડસ્ટ્રીમાં શમા સિકંદરની સફર લાંબી રહી છે. તેણે ટીવી અને વેબ સીરિઝમાં પણ કામ કર્યું છે. શમા સિકંદરનું કહેવું છે કે, પહેલા પ્રોડ્યૂસર્સનું વલણ તેના પ્રત્યે યોગ્ય ન હતું,

પરંતુ હવે ઈન્ડસ્ટ્રીમાં પરિવર્તન આવી ચૂક્યું છે. શમા સિકંદર લાંબા સમયથી પડદાથી દૂર છે, પરંતુ હવે પડદા પર પુનરાગમનની તૈયારીમાં છે. શમાનું કહેવું છે કે, હવે ઈન્ડસ્ટ્રી ઘણી બદલાઈ ચૂકી છે અને આ પરિવર્તન ઘણું પોઝિટિવ છે. નવી પેઢીના પ્રોડ્યુસર્સ ઘણા વધુ પ્રોફેશનલ છે. તે બધાને ઈજ્જત આપે છે અને કામના બદલામાં સેક્સની માગ નથી કરતા. તેણે કહ્યું કે, ભૂતકાળમાં તે એક એવા પ્રોડ્યુસરને મળી હતી, જે ખરાબ માનસિકતા ધરાવતો હતો. શમાએ એક ઈન્ટર્વ્યુ દરમિયાન કાસ્ટિંગ કાઉચ પર પોતાનું દર્દ વ્યક્ત કર્યું હતું. તેણે કહ્યું કે, ‘ઘણા પ્રોડ્યુસર ઈન્ટેશનથી પોતાની મિત્ર બનાવવા ઈચ્છતા હતા.

હું વિચારતી હતી કે, જાે અમે સાથે કામ નહીં કરીએ તો દોસ્ત કઈ રીતે બની શકીએ? મને લાગતું હતું કે, કામના બદલામાં તેમને ખરેખર તો સેક્સ જાેઈતું હતું. તેમાં ઈન્ડસ્ટ્રીના ઘણા જાણીતા નામ સામેલ છે.’ તેણે કહ્યું કે, આ માત્ર બોલિવુડ પુરતું સીમિત નથી, પરંતુ દરેક જગ્યાએ છે. શમાએ એમ પણ જણાવ્યું કે, બોલિવુડને કેટલાક એવા લોકો પણ મળ્યા છે, જે તેને સિક્યોર અનુભવ કરાવી ચૂક્યા છે. એટલે એ આરોપ લગાવવો ખોટો છે કે, ઈન્ડસ્ટ્રીમાં બધા ખરાબ હોય છે. તેણે કહ્યું કે, આજના યંગ પ્રોડ્યુસર્સ એવા નથી, તે લોકોની સાથે સન્માનજનક વ્યવહાર કરે છે.

ઉલ્લેખનીય છે કે, શમા સિકંદર ટીવી સીરિયલ ‘યે મેરી લાઈફ હૈ’, ‘સીઆઈડી’, ‘બાટલીવાલા હોઉસ નં.૪૩’, ‘કાજલ’, ‘સેવન’, ‘બાલ વીર’ અને ‘મન મેં હૈ વિશ્વાસ’માં લીડ રોલમાં જાેવા મળી રહી હતી. તેણે વેબ શોઝ ‘સેક્સાહોલિક’, અને મિની-સીરિઝ ‘માયાઃ સ્લેવ ઓફ હર ડિઝાયર’માં પણ કામ કર્યું હતું. તે ‘મન’, ‘પ્રેમ અગન’, ‘અંશઃ ધ ડેડલી પાર્ટ’, ‘બસ્તી’, ‘કોન્ટ્રાક્ટ’ જેવી ફિલ્મોમાં પણ કામ કરી ચૂકી છે.