થરાદના બેવટામાં ત્રણ શખ્સો દ્વારા પરિવારના ત્રણ પર ધોકા વડે હુમલો

થરાદ તાલુકાના બેવટા ગામમાં વાઘાસણના ચાલકની કાર ઓચિંતા આવેલાં સ્કુલના બાળકો અને બાઇક સવારને બચાવવા વાડમાં ઘુસાડતાં ત્યાં ઉભેલા ત્રણ શખ્સોએ ધોકા, લાકડી વડે હુમલો કરી પરિવારના ત્રણને ઇજા પહોંચાડી હતી. થરાદ પોલીસે ત્રણેય સામે ગુનો દાખલ કર્યો વધુ કાર્યવાહી હાથ કરી હતી.

થરાદ તાલુકાના વાઘાસણના તારાભાઈ સોનાજી મેઘવાળ બુધવારે બપોરના 12-00 વાગ્યાના સુમારે ભાઈ અને તેમની પત્ની સાથે કાર લઈને વેવાઈ શંકરજી વધાજી પારેગી (રહે. બેવટા,તા.થરાદ) ના ઘરે મળવા ગયા હતા. દરમિયાન સાંજના પાંચેક વાગ્યાના સુમારે બેવટા ગામની ઢાણી શાળાના વળાંકમાં આવતાં 5-00 વાગે સ્કુલ છુટતાં એક બાજુથી સ્કુલના છોકરાઓ અચાનક આવતાં અને સામેથી બાઇક આવતાં તેમને બચાવવા જતા રસ્તાની વાડમાં કાર જવા દીધી હતી. આથી છોકરાઓ અને બાઇક ચાલકનો બચાવ થયો હતો.