મહેસાણામાં ડમી વિદ્યાર્થીઓ તરીકે પરીક્ષા આપવા બેઠેલા શખસો એક પેપરના 7 હજાર લેતા

મહેસાણામાં વિદેશ અભ્યાસ માટે જતા વિદ્યાર્થીઓ માટેની IELTSની પરીક્ષામાં ડમી વિદ્યાર્થીઓ બેસાડી ઊંચા બેન્ડ લાવવાના કૌભાંડમાં 45 જેટલા શખસો સામે પોલીસ ફરિયાદ નોંધાઇ છે. જેમાં પકડાયેલા ત્રણ આરોપીઓના પોલીસે 14 દિવસના રિમાન્ડની માંગણી સાથે અદાલતમાં રજૂ કર્યા હતા. ત્રણેય આરોપીઓના કોટે ત્રણ દિવસના રિમાન્ડ મંજૂર કર્યા છે. આ શખ્સોએ રિમાન્ડમાં કબુલાત કરી છે કે, તેઓ ડમી વિદ્યાર્થી તરીકે પરીક્ષા આપવા બેસતા હતા, એક પેપરના રૂપિયા પાંચથી સાત હજાર રુપિયા લેતા હતા અને એક દિવસમાં બે પેપર લખતા હતા.

સમગ્ર IELTS કોભાંડનો મુખ્ય સૂત્રધાર અમિતકુમાર ચૌધરી વિદેશ ભાગી ગયાની ચર્ચા થઇ રહી છે. ત્યારે પોલીસે તે કેવી રીતે વિદેશ ભાગી ગયો, ક્યાં દેશમાં ભાગી ગયો અને કોની મદદથી વિદેશ પહોંચી ગયો, સહિતના મુદ્દે તપાસ કરી છે. પોલીસે તેના પાસપોર્ટ મેળવી અલગ અલગ આંતરરાષ્ટ્રીય એરપોર્ટ ઉપર તપાસ કરવા ચક્રોગતિમાન કર્યા છે. તો બીજી તરફ IELTSની પરીક્ષા માટે સાચા ઉમેદવારની જગ્યાએ ડમી વિદ્યાર્થી તરીકે બેસાડના શખ્સો એક પેપરના રૂપિયા પાંચથી સાત હજાર રુપિયા લેતા હતા અને એક દિવસમાં તે બે પેપર લખતા હોવાનો ખુલાસો થયો છે.

ELTS પરીક્ષામાં સેટિંગ કરીને મહેસાણાના 4 યુવકો અમેરિકા પહોંચી તો ગયા હતા, પણ ઘૂસણ ખોરી કરતા અમેરિકા પોલીસે દબોચી લીધા હતા. આ મામલે મુંબઇ એમ્બેસીએ મહેસાણા SPને તપાસ માટે જાણ કરતા IELTS કૌભાંડ થયું હોવાનું સામે આવ્યું હતું. મહેસાણાની GIDCમાં આ 4 યુવાનોને અમેરિકા પહોંચાડવાના ખેલ ઘડાયો હતો. એજન્ટે યુવાન દીઠ રૂ. 21 લાખ લીધા હોવાનું તપાસમાં બહાર આવ્યું હતું. આ મામલામાં પોલીસે 45 લોકો વિરુદ્ધ ફરિયાદ નોંધી આગળની તપાસ હાથ ધરી છે.