પાટણનાં ડુંગરીપરામાં દીકરીઓ મામલે મમ્મીઓ બાખડી પડી

પાટણ શહેરનાં અંબાજી નેળીયાની પાછળનાં વિસ્તાર ડુંગરીપુરા જવાનાં રોડ ઉપર આવેલ મુનીજી બંગ્લોઝમાં રેહતી એક મહિલા અને એ જ સોસાયટીની અન્ય એક મહિલા વચ્ચે તેમની દીકરીઓ દ્વારા કોઈ લખાણ લખવાનાં મામલે બોલચાલી થતાં મારામારી થતાં મામલો પોલીસ સ્ટેશન સુધી પહોંચ્યો હતો.

આ મળતી માહિતી મુજબ પાટણમાં ડુંગરીપુરા રોડ ઉપર આવેલી મુનીજી બંગ્લોઝ સોસાયટીમાં રહેતા સેજલબેન જિતેન્દ્રભાઇ ઠાકોર અને તેમનાં નણંદ તેમનાં ઘરે ગઇકાલે હતા. ત્યારે સોસાયટીનાં રહીશ મોસમીબેને આવીને સેજલબેનને ગમે તેમ બોલીને કહેલ કે, તારી દીકરી મારી દીકરી વિશે રોડ ઉપર ખરાબ ખરાબ લખે છે. તેમ કહેતાં સેજલબેને તેમને કહેલું કે, હું મારી દીકરીને સમજાવીશ. તેમ કહેતાં મોસમીબેન એકદમ ઉશ્કેરાઇ ગયા હતાં. ત્યારે તેમને સમજાવીને ઘરે મોકલ્યા હતા.