શંખેશ્વરનાં ટુવડમાં પુત્રની સાળી સાથે પ્રેમલગ્ન કરનારા પિતાએ અન્યોની સાથે મળી પુત્રોને માર માર્યો

શંખેશ્વરનાં ટુવડમાં પુત્રની સાળી સાથે પિતાએ 17 વર્ષ પૂર્વે પ્રેમલગ્ન કર્યા હતા. ત્યારે હાલ ટુવડ ગામે પિતાને મળવા આવેલા પુત્રો પર પિતાએ અન્યોની સાથે મળી હુમલો કર્યો હતો. આ ઘટનામાં ત્રણ લોકોને ઈજા પહોંચતા હોસ્પિટલમાં સારવાર અર્થે ખસેડવામાં આવ્યાં છે. આ ઘટનાને લઈ શંખેશ્વર પોલીસ મથકે ફરિયાદ નોંધાતા પોલીસે તપાસ હાથ ધરી છે.

આ આ અંગે મળતી માહિતી મુજબ સુરેન્દ્રનગરનાં દસાડા ગામનાં મેરા ગામે રહેતા વિજયભાઇ મધુભાઇએ તેમનાં પિતા સહિત અન્ય ત્રણ જણા સામે એવો આક્ષેપ કરતી ફરિયાદ નોંધાવી છે કે, વિજયભાઇનાં પિતા મધુભાઇએ છેલ્લા 17 વર્ષથી પુત્ર વિજય અને તેની માતા લીલાબેન તથા તેમનાં પરિવારને છોડીને વિજયની સાળી સાથે ભાગી ગયા હતા અને પ્રેમ લગ્ન કર્યા હતા. જેથી વિજયની માતા અને મધુભાઈની પત્ની લીલાબેને પતિ વિરુદ્ધમાં શંખેશ્વર કોર્ટમાં ભરણપોષણનો કેસ કર્યો હતો.