અમેરિકા ભારતનો GSP દરજ્જો પુનઃસ્થાપિત કરી શકે તેવી વકી

ભારતના કેટલાક પસંદગીના ગુડ્સ પર અમેરિકા હવે આયાત ડ્યુટી વસૂલશે નહીં. અમેરિકી પ્રશાસન જનરલાઈજ્ડ, સિસ્ટમ ઓફ પ્રેફરન્સ (જીએસપી) હેઠળ ભારતનો વિશેષ વેપાર દરજ્જો ફરીથી સ્થાપિત કરી શકે છે. ભારતમાં અમેરિકી ગુડ્સ પર ઊંચી આયાત ડ્યુટી લગાવી રહ્યો છે. જેના કારણે અમેરિકાને ભારતનો વિશેષ દરજ્જો પાછો સ્થાપિત કરવા મજબૂર થઈ શકે છે.

અમેરિકાના એક વરિષ્ઠ અધિકારીએ કહ્યું કે ભારત તરફથી દરખાસ્ત મેળવ્યા બાદ અમેરિકા ભારતના લાભાર્થીનો દરજ્જો પાછો લાવવાની વિચારણા કરી રહ્યું છે. અમેરિકી રાષ્ટ્રપતિ ડોનાલ્ડ ટ્રમ્પની સરકારે જૂન 2019માં જીએસપી વેપાર કાર્યક્રમ હેઠળ ભારતના લાભાર્થી વિકાસશીલ દેશનો દરજ્જો રદ કર્યો હતો. લાઈટહાઈજરે જણાવ્યુ હતુ કે, ભારત સાથે ચર્ચા અપેક્ષા કરતાં વધુ લંબાઈ રહી છે. ભારત ઊંચી ડ્યુટી છોડી રહ્યુ નથી. અને અમેરિકા એક લાભકારક સોદાની વાટ જોઈ રહ્યો છે. ફેબ્રુઆરીમાં આયોજિત નમસ્તે ટ્રમ્પ કાર્યક્રમમાં ટ્રમ્પે જણાવ્યુ હતુ કે, તે અને વડાપ્રધાન નરેન્દ્ર મોદી સૌથી મોટો સોદા કરવા જઈ રહ્યા છે. વડાપ્રધાન મોદીને ચતુર વાર્તાકાર તરીકે દર્શાવતાં જણાવ્યુ હતુ કે, ચર્ચા હાલ શરૂઆતી ચરણમાં છે.