![](https://www.rakhewaldaily.com/wp-content/uploads/2022/07/લ્યો-બોલો1.jpg)
લ્યો બોલો !!! વિદેશી મહિલાએ ઊંઝા APMCમાં આવી કોથળા સાંધી બતાવ્યા
ઊંઝા માર્કેટયાર્ડ માત્ર એશિયા પરંતુ નહીં સમગ્ર વિશ્વમાં મસાલા ક્ષેત્રે જાણીતું છે. એપીએમસીના ચેરમેન દિનેશભાઈ પટેલની આગેવાનીમાં ઊંઝા માર્કેટયાર્ડે અનેક સિદ્ધિઓ હાંસલ કરી છે. જેમાં વધુ એક સિદ્ધિનો ઉમેરો થયો છે. આજ રોજ જર્મનીના વેપારીઓએ ઊંઝા એ.પી.એમ.સી. ખાતે મુલાકાત લઈ વિદેશમાં મસાલા પાકોના નિકાસ કરવા અંગેની માહિતી મેળવી હતી. વિદેશની મુલાકાતે આવેલ જર્મની ટીમનું એપીએમસીના ચેરમેન દિનેશભાઈ પટેલ, ઇન્ચાર્જ સેક્રેટરી આર.કે.પટેલ દ્વારા સ્વાગત કરવામાં આવ્યું હતું. ત્યાર બાદ વિદેશની મુલાકાતે આવેલ જર્મની ટીમે ઉઝા યાર્ડની મુલાકાત લઈ માર્કેટયાર્ડમાં આવતા વિવિધ પાકો વિશે જણાવાની જીજ્ઞાસા દર્શાવી હતી. તેમજ ટીમમાં આવેલ વિદેશી મહિલાએ યાર્ડમાં મજદૂરો દ્વારા કોથળા સિવતા જાેઈ તેણે પણ કોથળા સિવી આનંદ માળ્યો હતો. વધુમાં જર્મની મહિલા એપીએમસીમાં કેવી રીતે કામ થાય છે તેમાં રસ દાખવી જાતે કોથળાને સાંધીને બતાવી આપ્યા હતા. વિદેશી હોવા છતાં શરમ રાખ્યા વિના મજૂરોની વ્ચચે જઈ સોય-દોરાથી કોથળા સીવતા લોકો દંગ રહી ગયા હતા. વિદેશી મહિલાની આ કામગીરી જાેવા લોકો એકઠા થઇ ગયા હતા. વિદેશી મહિલા પણ આટલી સારી રીતે કોથળો સીવી શકે તે જાેઈ વેપારીઓ, ખેડૂતો સહિત મજુરો પણ આચર્ય ચકિત થઈ ગયા હતા.