યુવકે RTI કરતા પત્ની વિશે બહાર આવી ચોંકાવનારી માહિતી
એમપીના શિવપુરી જિલ્લામાં એક વિચિત્ર કિસ્સો પ્રકાશમાં આવ્યો છે. જિલ્લાના એક યુવકના લગ્ન અશોકનગરમાં રહેતી યુવતી સાથે થયા હતા. યુવક લગ્નને લઈને ખૂબ જ ખુશ હતો. હનીમૂનના દિવસે તેણે પત્નીના પેટ પર ટાંકાનાં નિશાન જોયા. પતિએ આ અંગે પત્નીને પૂછપરછ કરી પરંતુ તેને યોગ્ય જવાબ મળ્યો નહીં. પતિએ ફરીથી તે સરકારી હોસ્પિટલમાં RTI કરી (rti about abortion). ત્યાંથી મળેલી માહિતીએ બંનેના જીવનમાં તોફાન લાવી દીધું છે. યુવકને જાણવા મળ્યું કે લગ્ન પહેલા જ તેની પત્ની ગર્ભવતી હતી.
યુવકને આ વિશે નહોતું જણાવવામાં આવ્યું
પીડિતાના પતિએ જણાવ્યું કે, હનીમૂનના દિવસે તેને ખબર પડી કે લગ્નના 3 મહિના પહેલા જ તેની પત્ની પેટમાં રહેલા બાળકનું અબોર્શન કરાવી ચુકી છે. પતિએ જણાવ્યું કે, આ બાબતે તેને કોઈએ જણાવ્યું નહોતું. યુવકે કહ્યું કે, જો મને ખબર હોત તો લગ્ન ન કર્યા હોત. લગ્નના 10 દિવસમાં જ પતિએ તેની પત્નીને અશોકનગર સ્થિત પિયર મોકલી દીધી. પછી ફરી તેને લેવા સાસરે ના ગયો.
અશોકનગરની ખાનગી હોસ્પિટલમાં થયું અબોર્શન
પતિએ જણાવ્યું કે, તેની પત્ની તેને ટોર્ચરના મામલામાં ફસાવવા માંગતી હતી. તેણે હોશિયારીથી કામ કર્યું અને તેની પત્ની દ્વારા કોર્ટમાં દાખલ કરાયેલા કેસ પણ લડતો રહ્યો. દરમિયાન તેમણે આરટીઆઈની મદદ લીધી હતી. અશોકનગરની ખાનગી હોસ્પિટલમાં તેની પત્નીએ ભ્રૂણહત્યા કરી હોવાની તેને જાણ થઈ હતી. આરટીઆઈની મદદથી આ ખુલાસો થયો છે. અશોકનગરની ખાનગી હોસ્પિટલમાં તેની પત્નીનો 3 મહિના પહેલા ગર્ભપાત કરાવવામાં આવ્યો હતો, જેના પુરાવા પણ તેણે કોર્ટમાં રજૂ કર્યા છે.
અનેક વખત હુમલો કરાવી ચૂકી છે પત્ની
યુવકે જણાવ્યું કે, પત્નીના પિયર ગયા પછી અશોકનગરમાં તેના પર ભરણપોષણનો કેસ નોંધવામાં આવ્યો હતો. તેની તારીખો પર તે આજ સુધી જઈ રહ્યો છે. યુવકનું કહેવું છે કે, જ્યારે પણ તે કોર્ટમાં તારીખે જાય છે ત્યારે તેને છૂપી રીતે કોર્ટ પહોંચવું પડે છે. તેની પત્ની તેને અશોકનગરમાં ઘણી વખત માર ખવડાવી ચુકી છે. આ પછી હવે તેનો જીવ પણ જોખમમાં છે. આ અંગે યુવકે શિવપુરી એસપીને અરજી કરી છે. આ સાથે કેસને અશોકનગરથી શિવપુરી ટ્રાન્સફર કરવાની વિનંતી કરવામાં આવી છે.
Tags rti about abortion