![](https://www.rakhewaldaily.com/wp-content/uploads/2022/06/post-office-schemes.jpg)
પોસ્ટ ઓફિસની આ યોજનાઓમાં કરો રોકાણ, બાળકોથી લઇને વૃદ્ધો સુધીને થશે લાભ
આપણે આપણા પૈસાને ત્યાં રોકવા ઇચ્છીએ છીએ જ્યાં સારા રિટર્નની સાથે સાથે પૈસાના સુરક્ષિત રહેવાની પણ ગેરંટી મળે. આવામાં રોકાણકારો માટે ભારતીય પોસ્ટ ઓફિસ અનેક સ્કીમો ચલાવે છે. આમાં તમે ઓછામાં ઓછા પૈસા રોકીને સારું રિટર્ન મેળવી શકો છો. સાથે જ તમારી રકમ પણ અહીં સંપૂર્ણ રીતે સુરક્ષિત રહે છે. આ કારણે જ પોસ્ટ ઓફિસની કેટલીક બચત યોજનાઓ ઘણી પોપ્યુલર છે.
પબ્લિક પ્રોવિડન્ટ ફંડ
પબ્લિક પ્રોવિડન્ટ ફંડ એ રોકાણ કરવા માટેની શ્રેષ્ઠ યોજના છે. આ સ્કીમમાં તમે એક વર્ષમાં ઓછામાં ઓછા રૂ. 500થી રૂ. 1.5 લાખનું રોકાણ કરી શકો છો. આમાં, તમને રોકાણની રકમ પર 7.1 ટકાનો વ્યાજ દર મળે છે. આ યોજનામાં, દર 3 મહિને ચક્રવૃદ્ધિના આધારે વ્યાજ આપવામાં આવે છે. પબ્લિક પ્રોવિડન્ટ ફંડ સ્કીમનો લોક ઇન પીરિયડ 15 છે. જો કે, તમે તેને વધુ 5 વર્ષ સુધી લંબાવી શકો છો. આ યોજનામાં રોકાણ કરવા માટે, તમે બેંક અથવા પોસ્ટ ઓફિસમાં ખાતું ખોલાવી શકો છો. આ સ્કીમમાં, તમારા પૈસા 120 મહિનામાં બમણા થઈ જશે અને તેમાં રોકાણ કરવા પર આવકવેરાની કલમ 80C હેઠળ છૂટ મળે છે.
વરિષ્ઠ નાગરિક બચત યોજના
વરિષ્ઠ નાગરિક બચત યોજના (SCSS) 60 વર્ષથી વધુ ઉંમરના લોકો માટે છે. જોકે, આ સ્કીમમાં રોકાણ કરવાની ઉંમર અમુક શરતો સાથે નિવૃત્ત કર્મચારીઓ માટે 55 વર્ષ રાખવામાં આવી છે. તે જ સમયે, સંરક્ષણ ક્ષેત્રમાંથી નિવૃત્ત કર્મચારીઓ માટે કેટલીક શરતો સાથે આ ઉંમર 50 વર્ષ રાખવામાં આવી છે. આ યોજનામાં રોકાણની મર્યાદા 15 લાખ રૂપિયા છે. આમાં 7.4 ટકાના દરે વ્યાજ મળે છે અને તે 3 મહિનાના આધારે આપવામાં આવે છે. આ યોજનામાં રોકાણ પર આવકવેરા કાયદાની કલમ 80C હેઠળ પણ છૂટ મળે છે.
સુકન્યા સમૃદ્ધિ યોજના
સુકન્યા સમૃદ્ધિ યોજના ખાસ કરીને દીકરીઓ માટે છે. આ સ્કીમ પર સરકાર વાર્ષિક 7.6 ટકાના દરે વ્યાજ આપી રહી છે. સુકન્યા સમૃદ્ધિ યોજના (SSY) યોજના હેઠળ 10 વર્ષ કે તેથી ઓછી વયની બાળકીના વાલી તેનું ખાતું ખોલાવી શકે છે. આ યોજના હેઠળ ઓછામાં ઓછી રકમ 250 રૂપિયા અને મહત્તમ રકમ 1.5 લાખ રૂપિયા છે. સુકન્યા સમૃદ્ધિ ખાતું ખોલવાની તારીખથી 21 વર્ષ પછી અથવા પુત્રીની ઉંમરના 18 વર્ષ પછી લગ્ન સમયે પરિપક્વ થાય છે. સુકન્યા સમૃદ્ધિ યોજના હેઠળ ખાતું કોઈપણ પોસ્ટ ઓફિસ કે બેંકમાં ખોલાવી શકાય છે.
Tags post office schemes