પોલેન્ડમાં ગુસ્સે ભરાયેલા લોકોએ રશિયાના રાજદૂત પર કલર ફેક્યો
યુક્રેન યુદ્ધના કારણે પોલેન્ડમાં રશિયાના રાજદૂત સર્ગેઈ એન્ડ્રીવને ભારે શરમનો સામનો કરવો પડ્યો હતો. સર્ગેઈ વારસોમાં બીજા વિશ્વ યુદ્ધમાં માર્યા ગયેલા સોવિયત સૈનિકોને શ્રદ્ધાંજલિ આપવા માટે ગયા હતા. આ દરમિયાન ગુસ્સે ભરાયેલા કેટલાક લોકોએ તેમના ચહેરા પર કલર ફેક્યો હતો. રશિયાના રાજદૂતે ધીરજ રાખીને પ્રદર્શનકારીઓને કોઈ જવાબ આપ્યો ન હતો.
આ તરફ અમેરિકા યુક્રેનને 40 અબજ ડોલરની સહાય મોકલશે. અમેરિકાની કોંગ્રેસના ડેમોક્રેટ્સે આ મદદને મંજૂરી આપી દીધી છે. રાષ્ટ્રપતિ જો બાઈડને 28 એપ્રિલના રોજ યુક્રેન માટે US કોંગ્રેસ પાસે 33 અબજ ડોલરની સૈન્ય મદદ માંગી હતી.