![](https://www.rakhewaldaily.com/wp-content/uploads/2022/05/Rakhewal-85.jpg)
મેઘરજના સીસોદરા (મે)ના નિવૃત્ત શિક્ષકે નડિયાદની મહિલા સાથે લગ્ન કર્યાં
મેઘરજના સીસોદરા(મે)ગામના નિવૃત્ત શિક્ષકને લૂંટેરી દુલ્હને પ્રેમજાળમાં ફસાવી સ્ટેમ્પ ઉપર લગ્ન કરાર કરી શિક્ષક સાથે રહી કેટલાક દિવસો બાદ દુલ્હને શિક્ષક પાસેથી રૂ.26.25 લાખ પડાવી લેતાં મેઘરજ પોલીસમાં મેઘરજના શખ્સ સહિત નડિયાદ ખેડાની ગેંગના 6 લોકો સામે ફરિયાદ નોંધાઇ હતી. સીસોદરા મેઘાઈના નિવૃત્ત પ્રા.શિક્ષક નાનાભાઈ વક્તાભાઈ પટેલે (59) નિવૃત્તિ પછી લગ્નનું વિચારતા જાણવા મળ્યું કે નડિયાદમાં મેરેજ બ્યુરો ચાલે છે.
જેથી ગામના બે શખ્સોને લગ્ન માટે પત્ની શોધવા ગાડી કરી નાનાભાઈ પટેલ સાથે લઈ જઇ મેરેજ બ્યુરોવાળી જગ્યાએ જઈ તપાસ કરતાં દક્ષાબેનના માસી રાધાબેન સોલંકી તમામને તેમના ઘરે રતનપુર તા.નડિયાદ,જિ.ખેડા લઇ જતી વખતે રાધાબેન સોલંકીએ વચ્ચેથી એક સ્ત્રી બેસાડેલી જે સ્ત્રીએ પોતાનું નામ રેખાબેન હોવાનુ જણાવ્યુ હતું અને નાનાભાઈ પટેલને રેખાબેન સાથે મુલાકાત કરાવતા રેખાબેન અને નાનાભાઈ પટેલ એકબીજાને પસંદ આવતા રૂ.1.20 લાખ રેખાબેનને આપી સ્ટેમ્પ મંગાવી બંનેએ સ્વખુશીથી લગ્ન કરાર કરેલા અને રૂ.5000 ખર્ચા પેટે આપ્યા હતા.
લગ્ન બાદ રેખાબેન અને નાનાભાઈ પટેલ મેઘરજમાં મકાન ભાડે રાખી પંચવટી સોસાયટીમાં રહેતા હતા. તે દરમિયાન તા.05-08-2020ના દુલ્હન રેખાબેને નાનાભાઈને જણાવેલ કે મારી માસીની દીકરી બે દિવસ આપણા ઘરે રહેવા આવવાની છે તેવુ કહ્યું હતું. દરમિયાન નાનાભાઈ પટેલને રાત્રે જમવામાં ગોળીઓ આપતાં બેભાન થઈ ગયા હતા અને સવારે 6 વાગે વહેલા ઉઠી નાનાભાઈ પટેલે રેખાબેનને ચા નાસ્તો બનાવવાનું કહ્યું હતું. દરમિયાન તેમના ઘરે સવારે નવેક વાગે હિતેશ પ્રજાપતિ,રાધાબેન સોલંકી આવ્યા હતા.
રેખાબેને નાનાભાઈને જણાવેલ કે તમોએ આપણા ઘરે આવેલ મારી માસીની દીકરી સાથે ન કરવાનું કરી નાખેલ છે. આ ગેંગે નાનાભાઈના નગ્ન અવસ્થામાં ફોટા પાડી બતાવી કહ્યું કે તમને બળાત્કારમાં ફસાવી દઈશું અમારી પાસે પુરાવા છે. તેવુ કહેતા નાનાભાઈ પટેલે રૂ. 5 લાખ આ તમામ લોકો અને 22 વર્ષીય અજાણી યુવતીને આપ્યા હતા.બે દિવસ બાદ હિતેશ પ્રજાપતિએ રેખાબેનને ફોન કરી કહ્યું કે યુવતી 5 લાખમાં સમાધાન કરવાનું ના પાડે છે અને 8 લાખ માગે છે.