![](https://www.rakhewaldaily.com/wp-content/uploads/2020/06/d59b3b17-243e-4aed-8814-59c20bfae856.jpg)
બનાસકાંઠા જિલ્લામાં કોરોનાનો કહેર યથાવત : વધુ ૬ પોઝિટિવ કેસ મળી આવ્યા
રખેવાળ ન્યુઝ પાલનપુર : સરહદી બનાસકાંઠા જિલ્લામાં કોરોના કહેર યથાવત જોવા મળી રહ્યો છે. આજે ડીસામાં ત્રણ મહિલાઓ અને ધાનેરામાં અન્ય ત્રણ કેસ મળી કુલ ૬ નવા પોઝિટિવ કેસ સામે આવતા આરોગ્ય વિભાગ હરકતમા આવ્યું છે.
બનાસકાંઠા જિલ્લામાં લોકડાઉન હળવું બન્યા બાદ જાણે કોરોનાનો વિસ્ફોટ થઈ રહ્યો હોય તેમ ફરીથી કોરોના પોઝિટિવ કેસોની સંખ્યામાં વધારો થઈ રહ્યો છે. આજે બનાસકાંઠા જિલ્લાના ડીસામાં ત્રણ મહિલાઓને કોરોના પોઝિટિવ આવ્યો છે. જ્યારે ધાનેરામાં અન્ય ત્રણ કેસ મળી કુલ જિલ્લામાં આજે વધુ ૬ કોરોના પોઝિટિવ કેસ મળી આવતાં જિલ્લાનું આરોગ્ય તંત્ર હરકતમાં આવ્યું છે.
ઉલ્લેખનીય છે કે બનાસકાંઠા જિલ્લામાં લોકડાઉનમાં છૂટછાટ આપ્યા બાદ ભીડભાડ વધતા અને લોકલ સંક્રમણ પણ વધી રહ્યું હોય કોરોનાના કેસોમાં વધારો થઇ રહ્યો છે. ત્યારે આજે પણ વધુ ૬ પોઝિટિવ કેસ મળી આવતા લોકોમાં ફરીથી કોરોનાનો ભય પ્રસરી રહ્યો છે.
Tags Banaskantha corona