વનપ્લસ 10 પ્રો લોન્ચ, આ પ્રીમિયમ સ્માર્ટફોન 32 મિનિટમાં 0થી 100% ચાર્જ થશે

વનપ્લસે ભારતીય માર્કેટમાં પોતાનો લેટેસ્ટ સ્માર્ટફોન વનપ્લસ 10 પ્રો લોન્ચ કર્યો. ફોનમાં સ્નેપડ્રેગન 8 જનરેશન 1 ચિપસેટ આપવામાં આવી છે. તે જૂના મોડલની તુલનામાં વધારે સારી ક્વોલિટીવાળા એમોલેડ ડિસ્પ્લેથી સજ્જ છે. પ્રીમિયમ સેગમેન્ટના આ સ્માર્ટફોનની ભારતીય માર્કેટમાં સીધી ટક્કર સેમસંગ ગેલેક્સી S22 સિરીઝ અને આઈફોન 13 સિરીઝ સાથે થશે. કંપનીએ સ્માર્ટફોનની સાથે વનપ્લસ બડ્સ પ્રો પણ લોન્ચ કર્યા છે.

ફોનના બે વેરિઅન્ટ લોન્ચ કરવામાં આવ્યા છે. તેના 8GB+128GB સ્ટોરેજ વેરિઅન્ટની કિંમત 66,999 રૂપિયા અને 12GB+256GB વેરિઅન્ટની કિંમત 71,999 રૂપિયા છે. ફોનમાં એમરાલ્ડ ફોરેસ્ટ અને વોલ્કેનિક બ્લેક કલરના બે ઓપ્શન મળશે. ગ્લોબલ માર્કેટમાં ફોનની પ્રારંભિક કિંમત 899 યુરો (લગભગ 75,000 રૂપિયા) છે. ભારતમાં તેનું વેચાણ 5 એપ્રિલથી શરૂ થશે.

ફોન ડ્યુઅલ નેનો સિમને સપોર્ટ કરે છે. તે એન્ડ્રોઈડ 12 બેસ્ડ OxygenOS 12.1 પર રન કરે છે. તેમાં 6.7 ઈંચની QHD+ (1,440×3,216 પિક્સલ) ફ્લુઈડ એમોલેડ ડિસ્પ્લે છે. તે સેકન્ડ જનરેશનના લો ટેમ્પરેચર પોલીક્રિસ્ટલાઈન ઓક્સાઈડ (LTPO) ટેક્નોલોજી પર આધારિત છે. ફોનની ડિસ્પ્લેનો ડાયનામિક રિફ્રેશ રેટ 1Hz અને 120Hzની વચ્ચે છે. સ્ક્રીનને કોર્નિંગ ગોરિલ્લા ગ્લાસ વિક્ટસ પ્રોટેક્શન આપવામાં આવ્યું છે. ફોનમાં ઓક્ટાકોર સ્નેપડ્રેગન 8 જનરેશન 1 ચિપસેટથી સજજ અને 12GB સુધી LPDDR5 રેમ આપવામાં આવી છે.