![](https://www.rakhewaldaily.com/wp-content/uploads/2021/03/content_image_861a0a19-15c2-4470-abdc-42094f76b7d2.jpeg)
ગુજરાત બજેટમાં, ગોધરા-મોરબીને મળી મોટી ભેટ, નવી મેડિકલ કોલેજ બનશે
ગુજરાતનું વર્ષ 2021-22નું બજેટ રજૂ થઇ રહ્યું છે. નાણામંત્રી નીતિન પટેલ ગુજરાત માટે નવમી વખત બજેટ રજૂ કરી રહ્યા છે ત્યારે બજેટ આપતા પહેલા તેમણે મોટું નિવેદન આપ્યું છે.
નીતિન પટેલે જણાવ્યું કે ગુજરાતના પ્રજાજનોનો સર્વાંગી વિકાસ થાય તેવું બજેટ રહેશે. જો કે કોરોનાની મહામારીને કારણે રાજ્યમાં પ્રથમ વખત પેપરલેસ બજેટ રજૂ થશે.
આ માટે વિશેષ ગુજરાત બજેટ મોબાઈલ એપ્લિકેશન પણ તૈયાર કરાઈ છે. વિધાનસભાના બજેટ સત્રમાં હાજરી આપવા માટે રાજ્યના મુખ્ય પ્રધાન વિજય રૂપાણી વિધાનસભા પહોંચ્યા. તેમની સાથે ભાજપના ધારાસભ્યો પણ વિધાનસભા પહોંચ્યા હતા.
આ એપ્લિકેશન પર આજે વિધાનસભાની કાર્યવાહીનું સીધું પ્રસારણ થશે બજેટ એપ્લિકેશન અંગ્રેજી તથા ગુજરાતી એમ બે ભાષામાં ઉપલબ્ધ છે. જેમાં પાછલા ત્રણ વર્ષની પણ બજેટ કોપી મૂકવામાં આવી છે. આ સાથે જ રાજ્ય સરકારના અલગ અલગ 24 વિભાગોના 24 જેટલા ફોલ્ડર બનાવીને તમામ વિભાગોના અલગ-અલગ બજેટ માટેની પણ વ્યવસ્થા મોબાઇલ એપ્લિકેશનમાં કરવામાં આવી છે જે વિશ્વની કોઈપણ જગ્યાએ રહેતા ગુજરાતીઓ તેમના મોબાઈલમાં જોઈ શકશે. કોરોના મહામારીને કારણે વિધાનસભામાં પ્રવેશ માટે વિશેષ વ્યવસ્થા કરવામાં આવી છે.
ગુજરાતના નાયબ મુખ્યમંત્રી અને નાણામંત્રી નીતિન પટેલ આજે બુધવારે 77મું બજેટ રજૂ કરશે. નાણામંત્રી તરીકે નીતિન પટેલે 8 બજેટ રજૂ કર્યાં છે. કોરોનાની સ્થિતિને ધ્યાનમાં રાખી આ વર્ષે પેપરલેસ બજેટ રજૂ કરવામાં આવશે