![](https://www.rakhewaldaily.com/wp-content/uploads/2021/02/content_image_802b4ab7-0103-4b7a-94fc-5303ba052e6a.jpeg)
સરકારે પેટ્રોલ-ડિઝલ પર લગાવ્યો કૃષિ સેસ
નાણામંત્રી નિર્મલા સિતારમણે લોકસભામાં વર્ષ 2021-22નું બજેટ રજુ કર્યું. જેમાં સરકારે પેટ્રોલ-ડિઝલ પર સેસ લગાવનો નિર્ણય લીધો છે. જેનાથી આગામી દિવસોમાં પેટ્રોલ-ડિઝલ વધારે મોંઘું થશે. જેની આમ આદમીના ખીસ્સા પર સીધી અસર પડશે.
નાણામંત્રીએ બજેટ ભાષણ દરમિયાન પેટ્રોલ પર લિટર દીઠ 2.5 અને ડીઝલ પર લીટરદીઠ 4 રૂપિયાનાં હિસાબથી સેસ લગાવવાની જાહેરાત કરી છે. પેટ્રોલ અને ડીઝલના ભાવ આસમાને છે. આવી સ્થિતિમાં જો સેસને કારણે ભાવ વધશે તો સામાન્ય માણસનો ભાર વધુ વધી શકે છે.
નાણાંમંત્રીએ બજેટ ભાષણમાં કહ્યું હતું કે, હું કેટલીક બાબતો પર કૃષિ ઇન્ફ્રાસ્ટ્રક્ચર એન્ડ ડેવલપમેન્ટ સેસ (AIDC) લાદવાનો પ્રસ્તાવ મૂકું છું. કૃષિ સેસ દારૂ પર 100%, સોના પર 2.5%, ક્રૂડ પામ ઓઇલ પર 17.5%, ક્રૂડ સોયાબીન અને સૂર્યમુખી પર 20%, સફરજન પર 35% અને વટાણા પર 40% લાદવામાં આવ્યો છે.