By પાટણ જિલ્લામાં ઘરેલુ એલ.પી.જી. સિલિન્ડરની કાળા બજારી રોકવા અને સામાન્ય ગ્રાહકોને સમયસર પુરવઠો મળી રહે તે માટે પાટણ પુરવઠા વિભાગે કડક કાર્યવાહી હાથ ધરી છે.
પુરવઠા વિભાગની ટીમે હોટલ,ઢાબા અને ટી-સ્ટોલ પર ઘરેલુ ગેસનો ગેરકાયદે વપરાશ થતો હોવાની ફરિયાદો મળતા 55 સ્થળોએ સઘન તપાસ હાથ ધરી હતી. જેમાં સિદ્ધપુરના રામદેવઢાબા અને પાટણના રીઅલ પેપરીકા, કર્ણાવતી ફાસ્ટફૂડ સહિતના એકમો માંથી 14 ઘરેલુ સિલિન્ડર જપ્ત કરી રૂ. 35,916 નો મુદ્દામાલ કબજે કર્યો છે. તંત્રએ સ્પષ્ટ કર્યું છે કે જો કોઈ વ્યાવસાયિક એકમ ઘરેલુ સિલિન્ડર વાપરતા પકડાશે, તો તેની સામે આવશ્યક ચીજવસ્તુ અધિનિયમ-1955 હેઠળ કડક કાર્યવાહી થશે. ગ્રાહકોને પણ ગેસનો બિનઅધિકૃત સંગ્રહ ન કરવા અને સુરક્ષા જાળવવા તંત્ર દ્વારા અપીલ કરાઈ છે.
