ડીસાના સમૌ મોટા ગામેથી બે ગેરકાયદેસર બંદૂકો ઝડપી

બનાસકાંઠા SOGએ 70 વર્ષીય વૃદ્ધની કરી ધરપકડ

બનાસકાંઠા જિલ્લામાં ગેરકાયદેસર હથિયારો વિરુદ્ધ ચાલી રહેલી ઝુંબેશ અંતર્ગત SOG (સ્પેશિયલ ઓપરેશન ગ્રુપ) એ મોટી સફળતા મેળવી છે. ડીસા રૂરલ પોલીસ સ્ટેશન વિસ્તારના સમૌ મોટા ગામેથી પોલીસે બે બંદૂકો સાથે એક 70 વર્ષીય ખેડૂતની અટકાયત કરી છે.

​ગુપ્ત બાતમીના આધારે કાર્યવાહી સરહદી રેન્જ આઈજી ચિરાગ કોરડીયા અને બનાસકાંઠા એસપી પ્રશાંત સુંબેની સૂચનાથી SOG પીઆઈ એસ.એમ. પટણીના માર્ગદર્શન હેઠળ પોલીસની ટીમ પેટ્રોલિંગમાં હતી. આ દરમિયાન પીએસઆઈ જે.જે. સરવૈયાને ચોક્કસ બાતમી મળી હતી કે સમૌ મોટા ગામના પ્રભાતસિંહ રાયકરણજી જાદવ પોતાના ખેતરના જૂના મકાનમાં પરવાના વગરના હથિયારો છુપાવીને રાખ્યા છે.

પોલીસે ​બાતમીવાળી જગ્યાએ પંચોની હાજરીમાં દરોડો પાડતા પોલીસને બે બન્દૂક મળી આવી હતી. સિંગલ બેરલ બંદૂક: 1 નંગ (કિંમત રૂ. 5,000) તેમજ ​ડબલ બેરલ બંદૂક: 1 નંગ (કિંમત રૂ. 5,000)​કુલ રૂ.10,000 નો મુદામાલ જપ્ત કરી તેની વિરુદ્ધ ​આર્મ્સ એક્ટ હેઠળ ગુનો નોંધી ​પોલીસે 70 વર્ષીય આરોપી પ્રભાતસિંહ જાદવની ધરપકડ કરી તેમની વિરુદ્ધ આર્મ્સ એક્ટની વિવિધ કલમો હેઠળ ગુનો નોંધી કાયદેસરની કાર્યવાહી હાથ ધરી છે. આ હથિયારો ક્યાંથી આવ્યા અને કયા હેતુ માટે રાખવામાં આવ્યા હતા તે દિશામાં ડીસા રૂરલ પોલીસે વધુ તપાસ શરૂ કરી છે.