![](https://www.rakhewaldaily.com/wp-content/uploads/2021/01/earthq_1609994150.jpg)
રાજકોટ જિલ્લાના ગોંડલમાં વહેલી સવારે 1.8ની તીવ્રતાનો ભૂકંપ આવ્યો
રાજકોટ જિલ્લાના ગોંડલમાં વહેલી સવારે ભૂકંપ આવતા લોકોમાં ભયનો માહોલ જોવા મળ્યો હતો. વહેલી સવારે 1.8ની તીવ્રતાનો ભૂકંપનો આચંકો આવ્યો હતો. ભૂકંપનું કેન્દ્ર બિંદુ ગોંડલથી 29 કિલોમીટર દૂર પાંચપીપળામાં નોંધાયું હતું.
ગોંડલ પંથકમાં આજે વહેલી સવારે 1.8ની તીવ્રતાનો ભૂકંપ આવ્યો હતો. ભૂકંપ આવ્યો હોવાની જાણ થતાં લોકો ઘરની બહાર નીકળી ગયા હતા. ભૂકંપનું કેન્દ્રબિંદુ ગોંડલથી 29 કિમી દૂર પાંચપીપળાના ભૂગર્ભમાં 12.3 કિમીની ઉંડાઈએ નોંધાયું હતું.
રાજકોટમાં એક જ દિવસમાં 3 આંચકા આવ્યા હતા
થોડા સમય પહેલા રાજકોટમાં એક જ દિવસમાં 3 ભૂકંપના આંચકા આવ્યા હતાં. ભૂકંપનું એપી સેન્ટર લોધિકાના ખાંભા ગામની સીમમાં નોંધાયું હતું.ભૂકંપની તીવ્રતા ખૂબ ઓછી હતી. પણ આસપાસના માખાવડ સહિતના ગામોમાં જોરદાર ધડાકાનો અવાજ સંભળાયો હતો. ભૂકંપનું એપીસેન્ટર લોધિકાના ખાંભા ગામની સીમમાં 15 કિ.મી.ની ઊંડાઈએ નોંધાયું હતું.