By પાકિસ્તાનના દક્ષિણ-પશ્ચિમ ક્ષેત્રમાં થોડા કલાકોના અંતરે થયેલા બે કાર બોમ્બ વિસ્ફોટોમાં ઓછામાં ઓછા 8 લોકો માર્યા ગયા અને લગભગ 2 ડઝન ઘાયલ થયા. અધિકારીઓએ આ વિસ્ફોટો વિશે માહિતી આપી છે. પોલીસ અધિકારી ઇલાહી બખ્શે જણાવ્યું હતું કે પહેલો વિસ્ફોટ બલુચિસ્તાન પ્રાંતના તુર્બત જિલ્લામાં થયો હતો જ્યારે એક આત્મઘાતી બોમ્બરે સુરક્ષા કાફલા પર વાહન અથડાવ્યું હતું. તેમણે કહ્યું હતું કે આ હુમલામાં 2 સુરક્ષા કર્મચારીઓ માર્યા ગયા અને 23 ઘાયલ થયા.
કલાકો પછી, અફઘાન સરહદ નજીક દક્ષિણપશ્ચિમ શહેર ચમનમાં બીજો કાર બોમ્બ વિસ્ફોટ થયો, જેમાં છ લોકો માર્યા ગયા, સરકારી પ્રશાસક ઇમ્તિયાઝ અલીએ જણાવ્યું. જ્યારે કોઈ જૂથે વિસ્ફોટોની જવાબદારી લીધી નથી, શંકા પાકિસ્તાની તાલિબાન અને બલૂચ અલગતાવાદીઓ પર છે, જેઓ વારંવાર પ્રાંતમાં સુરક્ષા દળો અને નાગરિકોને નિશાન બનાવે છે.
પાકિસ્તાનના ખૈબર પખ્તુનખ્વા અને બલૂચિસ્તાનમાં આતંકવાદી હુમલાઓ વધ્યા છે, બંને પ્રદેશો અફઘાનિસ્તાનની સરહદે છે. અહેવાલો દર્શાવે છે કે જૂન મહિનામાં પાકિસ્તાનમાં 78 આતંકવાદી હુમલા થયા છે. બલૂચિસ્તાન લગભગ બે દાયકાથી અશાંતિનો સામનો કરી રહ્યું છે. સ્થાનિક વંશીય બલૂચ જૂથો અને સંલગ્ન પક્ષોનો આરોપ છે કે પાકિસ્તાન સરકાર પ્રાંતની ખનિજ સંપત્તિનું શોષણ કરી રહી છે. બલૂચ બળવાખોરોએ તાજેતરમાં પાકિસ્તાની સુરક્ષા દળોને નિશાન બનાવીને ઘણા ઘાતક હુમલાઓ કર્યા છે.
નોંધનીય છે કે તાજેતરમાં પાકિસ્તાનના ખૈબર પખ્તુનખ્વામાં 45 આતંકવાદીઓ માર્યા ગયા હતા. આ કાર્યવાહી દરમિયાન લગભગ 19 સૈનિકો પણ માર્યા ગયા હતા. માર્યા ગયેલા આતંકવાદીઓ તહરીક-એ-તાલિબાન પાકિસ્તાન (TTP) ના હતા. આ કાર્યવાહી અંગે, વડા પ્રધાન શાહબાઝ શરીફે જણાવ્યું હતું કે પાકિસ્તન સંપૂર્ણ તાકાતથી આતંકવાદ સામે લડવાનું ચાલુ રાખશે.
