સાબરકાંઠા જિલ્લાના હિંમતનગર તાલુકાના રાયગઢ ગામે ગાંભોઈ પોલીસે ખાનગી બાતમીના આધારે દરોડો પાડ્યો હતો. થોરીવાસમાં છાપરાની પાછળ બાવળના ઝાડ નીચે જુગાર રમતા 6 શખ્સોને પકડી પાડ્યા હતા. પોલીસે દરોડા દરમિયાન દાવ પરથી રૂ. 1,250 અને અંગઝડતીમાંથી રૂ. 10,050 રોકડા જપ્ત કર્યા હતા. આ ઉપરાંત 4 મોબાઈલ ફોન કે જેની કિંમત રૂ. 18,000 થાય છે, તે પણ કબજે લીધા હતા. કુલ રૂ. 29,300નો મુદ્દામાલ જપ્ત કરવામાં આવ્યો હતો.પકડાયેલા આરોપીઓમાં અજયભાઈ કાળાભાઈ ભરથરી (ડેરાફળી), રમેશભાઈ કાનજીભાઈ ગવારીયા (થોરીવાસ), સુનીલભાઈ તખાભાઈ ભરથરી (કેરાફળી), પ્રવીણભાઈ બાલાભાઈ થોરી (થોરીવાસ), મનીષ અરવિંદભાઈ વાઘેલા (થોરીવાસ) અને જીગર જશુભાઈ ગવારીયા (થોરીવાસ)નો સમાવેશ થાય છે. તમામ આરોપીઓ રાયગઢ ગામના રહેવાસી છે. ગાંભોઈ પોલીસે તમામ આરોપીઓ વિરુદ્ધ જુગારધારા હેઠળ ગુનો નોંધી કાયદેસરની કાર્યવાહી હાથ ધરી છે.
- August 18, 2025
0
537
Less than a minute
You can share this post!
editor

