By સરકાર સંસદ દ્વારા પસાર કરાયેલા નવા આવકવેરા કાયદાના અમલીકરણ પહેલાં ચાલુ નાણાકીય વર્ષમાં ઘણા બાકી ટેક્સ રિફંડ રિલીઝ કરવાની યોજના બનાવી રહી છે. આમાં દાયકા જૂના કેસ પણ શામેલ છે. એક વરિષ્ઠ સરકારી અધિકારીએ આ માહિતી આપી. આશરે ૧,૦૦૦ કરોડ રૂપિયાના આવા રિફંડ જારી થવાનો અંદાજ છે. આમાં મુખ્યત્વે ટેક્સ માંગ સંબંધિત કેસોનો સમાવેશ થાય છે, જેમાં કરદાતાઓને અપીલ સત્તાવાળાઓ તરફથી અનુકૂળ ઓર્ડર મળ્યા હતા પરંતુ પ્રણાલીગત સમસ્યાઓને કારણે રિફંડ જારી કરવામાં આવ્યા ન હતા.
આવકવેરા વિભાગ નવી સિસ્ટમ્સમાં જાય તે પહેલાં આ એક કવાયત છે જેથી આવકવેરા અધિનિયમ, ૨૦૨૫ના અમલીકરણ પહેલાં જૂના રિફંડ કેસોનો નિકાલ કરી શકાય. નવો આવકવેરા અધિનિયમ ૧ એપ્રિલ, ૨૦૨૬ થી અમલમાં આવશે.આ સરકારી અધિકારીએ કહ્યું, ‘બિલમાં નવી કલમો શામેલ કરવામાં આવી છે અને સિસ્ટમને તે મુજબ ગોઠવવાની રહેશે. અમે આ બાકી રિફંડનો નિકાલ કરવા માંગીએ છીએ જેથી નવા કાયદાના અમલીકરણ પછી કોઈ સમસ્યા ન રહે.’ તેમણે કહ્યું, ‘જો જૂના રિફંડ કેસ પેન્ડિંગ રહે છે, તો તે નવી પ્રક્રિયાઓમાં વધુ ફસાઈ શકે છે.
અન્ય અધિકારીના જણાવ્યા મુજબ, આવકવેરા વિભાગની સિસ્ટમોને નવા કાયદાની જોગવાઈઓ સાથે સંરેખિત કરવા માટે, સેન્ટ્રલ બોર્ડ ઓફ ડાયરેક્ટ ટેક્સીસ હેઠળની સમગ્ર પ્રક્રિયાને ફરીથી બનાવવી પડશે, જેમાં રિફંડ જારી કરવા માટેના પ્રોટોકોલનો પણ સમાવેશ થાય છે.ઉપરોક્ત અધિકારીએ જણાવ્યું હતું કે, ‘જે રિફંડ વિશે વાત કરવામાં આવી રહી છે તે મુખ્યત્વે એવા કેસોથી સંબંધિત છે જ્યાં આવકવેરા કમિશનર (અપીલ) અથવા આવકવેરા અપીલ ટ્રિબ્યુનલ દ્વારા કર માંગ ઘટાડવામાં આવી છે. જો વિભાગ દ્વારા આવા આદેશને વધુ પડકારવામાં આવે તો પણ, રિફંડ રકમ હાલની કાનૂની જોગવાઈઓ અનુસાર મુક્ત કરવામાં આવશે.’તેમણે કહ્યું, ‘અમે આ રિફંડનો મોટો ભાગ પહેલાથી જ મુક્ત કરી દીધો છે અને આગામી મહિનાઓમાં બાકી રકમ પણ ચૂકવીશું.
