By સંગઠન સુર્જન અભિયાન અંતર્ગત બનાસકાંઠા કોંગ્રેસ દ્વારા ડીસા જિલ્લા પંચાયતના વિશ્રામ ગૃહ ખાતે શહેર અને તાલુકાના પ્રમુખ માટે સેન્સ પ્રક્રિયા હાથ ધરવામાં આવી હતી. આ પ્રક્રિયામાં મોટી સંખ્યામાં કોંગ્રેસના કાર્યકરો અને આગેવાનો હાજર રહ્યા હતા. આગામી સમયમાં ડીસા શહેર અને તાલુકાને નવા પ્રમુખો મળશે. આ પદ માટે અનેક ઉમેદવારોએ પોતાની દાવેદારી નોંધાવી છે. પ્રદેશ નિરીક્ષકો દ્વારા તમામ ઉમેદવારો અને કાર્યકરોના મંતવ્યો જાણવામાં આવ્યા હતા. આ સેન્સ પ્રક્રિયાનો મુખ્ય ઉદ્દેશ્ય સર્વસંમતિથી મજબૂત અને સક્ષમ નેતૃત્વની પસંદગી કરવાનો છે. આ પ્રક્રિયા પૂર્ણ થયા બાદ ટૂંક સમયમાં જ નવા પ્રમુખોના નામની જાહેરાત કરવામાં આવશે, જેનાથી કોંગ્રેસનું સંગઠન વધુ મજબૂત બનશે તેવી અપેક્ષા છે.
