By પાટણ શહેરમાં છેલ્લા એક વર્ષથી મારામારીના ગુનાઓમાં વોન્ટેડ આરોપી ઝહીરખાન બેલીમ ઉર્ફે ખોખરને પાટણ પેરોલ ફરલોંની ટીમે રાત્રિ દરમિયાન ઝડપી પાડ્યો છે. આરોપી સામે એ ડિવિઝન પોલીસ સ્ટેશનના વિવિધ ગુનાઓમાં વોન્ટેડ હતો. પોલીસે કાયદેસરની કાર્યવાહી હાથ ધરીને આરોપીને પાટણ શહેર એ ડિવિઝન પોલીસને સોંપ્યો હતો. ત્યારબાદ બુકડી વિસ્તારમાં થોડા સમય અગાઉ થયેલી મારામારીના ગુના સંદર્ભે પોલીસે ગુનાનું રિકન્સ્ટ્રક્શન કર્યું હતું. આ દરમિયાન આરોપીને જાહેરમાં સરઘસ સ્વરૂપે બુકડી વિસ્તારમાં ફેરવવામાં આવ્યો હતો. પોલીસે આ કાર્યવાહી દ્વારા કાયદાનું પાલન ન કરનારાઓ માટે દાખલો બેસાડવાનો પ્રયાસ કર્યો હતો. આ રીતે ગુનેગારોને કાયદાનો પાઠ ભણાવવાનો હેતુ હતો.
