આવતીકાલે પાટણ પોસ્ટલ ડિવિઝનની ઓફિસમાં તમામ કામગીરી બંધ રહેશે

તા. 22 મીએ APT એપ્લિકેશનનું રોલઆઉટ કરવામાં આવશે. પાટણ પોસ્ટલ ડિવિઝનની તમામ 272 પોસ્ટઓફિસોમાં તા.21 જુલાઈ,2025ના રોજ સંપૂર્ણ સેવાઓ સ્થગિત રહેશે.આ દિવસે કોઈપણ પ્રકારની પોસ્ટલ સેવાઓ, નાણાકીય લેવડ-દેવડ, પોસ્ટલ લાઈફ ઇન્સ્યોરન્સ, રજિસ્ટર્ડ મેઇલ, સ્પીડપોસ્ટ કે પાર્સલ સેવાઓ ઉપલબ્ધ રહેશે નહીં.ટપાલ વિભાગે દેશવ્યાપી સ્તરે આઈટી 2.0 પ્રોજેક્ટ શરૂ કર્યો છે. આ પ્રોજેક્ટનો મુખ્ય હેતુ ટપાલ તંત્રને વધુ અસરકારક, ઝડપી અને ગ્રાહક લક્ષી બનાવવાનો છે. તા. 22 જુલાઈ, 2025

ના રોજ એડવાન્સ્ડ પોસ્ટલ ટેકનોલોજી (APT) એપ્લિકેશનનું રોલઆઉટ કરવામાં આવશે.પોસ્ટલ વિભાગે ગ્રાહકોને વિનંતી કરી છે કે તેઓ પોતાની મુલાકાતોનું આયોજન અગાઉથી કરે. વિભાગે આ સમયગાળા દરમિયાન થનારી અસુવિધા બદલ દિલગીરી વ્યક્ત કરી છે. નવી ડિજિટલ સિસ્ટમ દ્વારા નાગરિકોને વધુ સારી અને ઝડપી સેવાઓ પૂરી પાડવામાં આવશે તેવું પોસ્ટ વિભાગના સૂત્રોએ જણાવ્યું હતું.