By વડોદરા ખાતે યોજાયેલી રાજ્ય કક્ષાની ગાણિતિક સ્પર્ધામાં ડીસાના વિદ્યાર્થીઓએ શાનદાર પ્રદર્શન કરીને શહેરનું ગૌરવ વધાર્યું છે. ક્યૂબાટિક સંસ્થા દ્વારા આયોજિત આ સ્પર્ધામાં સ્પર્ધકોએ માત્ર 8 મિનિટમાં 200 ગણિતના દાખલા ઉકેલવાના હતા. આ પડકારજનક સ્પર્ધામાં ડીસાના પાંચ વિદ્યાર્થીઓએ ભાગ લીધો હતો. તેમાંથી હિયાન્સ સાગરભાઈ પટેલ અને હયાન ધર્મેશકુમાર પટેલે દ્વિતીય રનરઅપ ટ્રોફી જીતીને નોંધપાત્ર સિદ્ધિ હાંસલ કરી છે.
આ ઉપરાંત, અન્ય ત્રણ વિદ્યાર્થીઓએ પાંચમી રનરઅપ ટ્રોફી મેળવીને ડીસાનું નામ રોશન કર્યું છે. વિજેતા વિદ્યાર્થીઓને અબાકસ એજ્યુકેશન હબના ડાયરેક્ટર લક્ષ્મણભાઈ પટેલે અભિનંદન પાઠવીને તેમના ઉજ્જવળ ભવિષ્ય માટે શુભેચ્છાઓ આપી હતી. ડીસાના આ તેજસ્વી વિદ્યાર્થીઓની સિદ્ધિ ખરેખર પ્રેરણાદાયક છે.
