By પ્રધાનમંત્રી મોદી ૨ થી ૯ જુલાઈ દરમિયાન ઘાના, ત્રિનિદાદ, ટોબેગો, આર્જેન્ટિના, બ્રાઝિલ અને નામિબિયાની મુલાકાતે રહેશે. આ મુલાકાતને આફ્રિકા અને દક્ષિણ અમેરિકા સાથે ભારતના સંબંધોને વધુ મજબૂત બનાવવા તરફ એક મહત્વપૂર્ણ પગલું માનવામાં આવે છે. આ ૮ દિવસની મુલાકાતમાં, પ્રધાનમંત્રી કુલ પાંચ દેશોની મુલાકાત લેશે. આમાં બ્રાઝિલમાં યોજાનારી ૧૭મી બ્રિક્સ સમિટનો પણ સમાવેશ થાય છે. પ્રધાનમંત્રી મોદી ૨ જુલાઈએ ઘાનાથી તેમની મુલાકાત શરૂ કરશે. ત્રણ દાયકામાં કોઈ ભારતીય પ્રધાનમંત્રીની ઘાનાની આ પહેલી મુલાકાત હશે. આ મુલાકાતમાં, તેઓ રાષ્ટ્રપતિ નાના અકુફોપ્રએડોને મળશે અને આર્થિક, ઉર્જા અને સંરક્ષણ ક્ષેત્રોમાં સહયોગ વધારવાની ચર્ચા કરશે. આ મુલાકાતથી ભારત અને ઘાના વચ્ચે દ્વિપક્ષીય સંબંધોને નવી ગતિ મળવાની અપેક્ષા છે. આ સાથે, આ મુલાકાત ચ્ઘ્બ્ષ્ખ્લ્ અને આફ્રિકન યુનિયન સાથે ભારતની ભાગીદારીને પણ મજબૂત બનાવશે.
આ પરિષદ દરમિયાન, પીએમ મોદી પાકિસ્તાન પ્રાયોજિત આતંકવાદ સામે બાકીના બ્રિક્સ સભ્ય દેશોનો ટેકો મેળવવાનો પ્રયાસ કરશે. બ્રાઝિલ ઉપરાંત, નરેન્દ્ર મોદી ત્રિનિદાદ અને ટોબેગો, આર્જેન્ટિના, ઘાના અને નામિબિયાની પણ મુલાકાત લઈ શકે છે. બીજી તરફ, ચીનના રાષ્ટ્રપતિ શી જિનપિંગ બ્રાઝિલમાં યોજાનારી બ્રિક્સ સમિટમાં હાજરી આપશે નહીં. અને તેનું કારણ નરેન્દ્ર મોદીની વધતી જતી લોકપ્રિયતા પણ છે.બ્રિક્સ સમિટ પછી, પીએમ મોદી બ્રાઝિલના રાષ્ટ્રપતિ લુઇઝ ઇનાસિયો લુલા દા સિલ્વાના આમંત્રણ પર સ્ટેટ ડિનરમાં હાજરી આપશે. ડી સિલ્વાએ તેમને આ માટે ખાસ આમંત્રણ આપ્યું છે. એવું કહેવામાં આવી રહ્યું છે કે શી જિનપિંગ આનાથી ખૂબ નિરાશ છે. જિનપિંગને લાગે છે કે મોદીની સામે તેમનું ધ્યાન ઓછું જશે. તેથી, જિનપિંગની જગ્યાએ ચીનના વડા પ્રધાન લી કિયાંગ બ્રિક્સ સમિટમાં હાજરી આપી શકે છે.
ઓપરેશન સિંદૂર પછી આ મોદીનો પહેલો પાંચ દેશોનો પ્રવાસ હશે. તેમની મુલાકાત દરમિયાન, પ્રધાનમંત્રી મોદી ઘાનાના રાષ્ટ્રપતિ સાથે દ્વિપક્ષીય વાટાઘાટો કરશે. બંને રાષ્ટ્રના વડાઓ ભારત અને ઘાના વચ્ચે મજબૂત દ્વિપક્ષીય ભાગીદારીની સમીક્ષા કરશે અને આર્થિક, ઉર્જા અને સંરક્ષણ સહયોગ અને વિકાસ સહયોગ ભાગીદારી દ્વારા તેને વધારવાની વધુ તકોની ચર્ચા કરશે. પ્રધાનમંત્રી મોદીની આ મુલાકાત દ્વિપક્ષીય સંબંધોને વધુ ગાઢ બનાવવા અને ECOWAS (પશ્ચિમ આફ્રિકન રાજ્યોની આર્થિક સમુદાય) અને આફ્રિકન યુનિયન સાથે ભારતની ભાગીદારીને મજબૂત બનાવવા માટે બંને દેશોની સહિયારી પ્રતિબદ્ધતાને પુનઃપુષ્ટ કરશે. પ્રધાનમંત્રી ઘાનાથી ત્રિનિદાદ અને ટોબેગો જશે. પ્રધાનમંત્રી કમલા પ્રસાદપ્રબિસેસરના આમંત્રણ પર તેઓ ૦૩ થી ૦૪ જુલાઈ ૨૦૨૫ દરમિયાન ત્રિનિદાદ અને ટોબેગોની સત્તાવાર મુલાકાત લેશે.
પ્રધાનમંત્રી તરીકે નરેન્દ્ર મોદીની ત્રિનિદાદ અને ટોબેગોની આ પ્રથમ મુલાકાત હશે. તે જ સમયે, ૧૯૯૯ પછી આ કેરેબિયન રાષ્ટ્રની આ પહેલી ભારતીય પ્રધાનમંત્રીની મુલાકાત હશે. આ મુલાકાત દરમિયાન, પ્રધાનમંત્રી મોદી ત્રિનિદાદ અને ટોબેગોના રાષ્ટ્રપતિ ક્રિસ્ટીન કાર્લા કાંગાલુ અને પ્રધાનમંત્રી કમલા પ્રસાદપ્રબિસેસર સાથે દ્વિપક્ષીય વાટાઘાટો કરશે અને ભારતપ્રત્રિનિદાદ અને ટોબેગો સંબંધોને વધુ મજબૂત બનાવવા પર ભાર મૂકશે. પ્રધાનમંત્રી ત્રિનિદાદ અને ટોબેગોની સંસદના સંયુક્ત સત્રને પણ સંબોધિત કરે તેવી અપેક્ષા છે. ભારતના પ્રધાનમંત્રી નરેન્દ્ર મોદીની ત્રિનિદાદ અને ટોબેગોની આ મુલાકાત બંને દેશો વચ્ચેના ઊંડા અને ઐતિહાસિક સંબંધોને નવી ગતિ આપશે.તેમની મુલાકાતના ત્રીજા તબક્કામાં, આર્જેન્ટિનાના રાષ્ટ્રપતિ જેવિયર માઇલીના આમંત્રણ પર, પીએમ મોદી ૦૪-૦૫ જુલાઈ, ૨૦૨૫ ના રોજ આ દક્ષિણ અમેરિકન દેશની સત્તાવાર મુલાકાત લેશે. પીએમ મોદી રાષ્ટ્રપતિ માઇલી સાથે દ્વિપક્ષીય વાટાઘાટો કરશે જેથી ચાલુ સહયોગની સમીક્ષા કરી શકાય અને સંરક્ષણ, કળષિ, ખાણકામ, તેલ અને ગેસ, નવીનીકરણીય ઉર્જા, વેપાર અને રોકાણ અને લોકોપ્રથી-લોકોના સંબંધો સહિતના મુખ્ય ક્ષેત્રોમાં ભારત-આર્જેન્ટિના ભાગીદારીને વધુ વધારવાના માર્ગો પર ચર્ચા કરી શકાય. પ્રધાનમંત્રીની દ્વિપક્ષીય મુલાકાત ભારત અને આર્જેન્ટિના વચ્ચે બહુપક્ષીય વ્યૂહાત્મક ભાગીદારીને વધુ ગાઢ બનાવશે.
તેમની મુલાકાતના છેલ્લા તબક્કામાં, પ્રધાનમંત્રી નરેન્દ્ર મોદી ૯ જુલાઈના રોજ નામિબિયાના રાષ્ટ્રપતિ ડૉ. નેતુમ્બો નંદીપ્રન્દૈત્વના આમંત્રણ પર આ આફ્રિકન દેશની મુલાકાત લેશે. આ પ્રધાનમંત્રી મોદીની નામિબિયાની પ્રથમ મુલાકાત હશે. તેમની મુલાકાત દરમિયાન, પ્રધાનમંત્રી રાષ્ટ્રપતિ નંદીપ્રન્દૈત્વ સાથે દ્વિપક્ષીય વાટાઘાટો કરશે. તેઓ નામિબિયાના સ્થાપક પિતા અને પ્રથમ રાષ્ટ્રપતિ ડૉ. સામ નુજોમાને પણ શ્રદ્ધાંજલિ આપશે. પીએમ મોદી નામિબિયાની સંસદને સંબોધિત કરી શકે છે. તેમની મુલાકાત નામિબિયા સાથે ભારતના બહુપક્ષીય અને ઊંડા ઐતિહાસિક સંબંધોને વધુ મજબૂત બનાવશે.
