હોન્ડાએ નવ મહિનામાં 11 લાખ ટૂ વ્હીલર્સ વેચવાનો રેકોર્ડ બનાવ્યો.

દેશમાં કોરોના મહામારી અને લોકડાઉન જેવા નિર્ણયે ભલભલા ઉદ્યોગોને ઠપ કરી નાંખ્યા છે, એવામાં હોન્ડા મોટરસાયકલ એન્ડ સ્કુટર ઇન્ડિયા ટૂ વ્હીલર્સ સેલમાં નવો રેકોર્ડ બનાવીને ઓટોમોબાઇલ ઇન્ડસ્ટ્રીમાં આગવી ઓળખ મેળવી છે. કંપનીએ માત્ર 9 મહિનામાં 11 લાખ BS6 ટૂ વ્હીલર્સનું વેચાણ કર્યુ છે. કંપનીએ સપ્ટેમ્બર 2019માં BS6 વાહનોનુ વેચાણ શરુ કર્યુ હતું. હોન્ડાએ રેકોર્ડ વેચાણમાં સૌથી વધારે વેચાણ એક્ટિવા 6Gનું કર્યુ છે. આ મોડલ તેના જૂના મોડલની સરખામણીએ મોટુ છે. વર્તમાન સમયમાં લોકો હવે પબ્લિક ટ્રાન્સપોર્ટની જગ્યાએ ખાનગી વાહનોનો ઉપયોગ હિતાવહ માની રહ્યા છે. એવામાં કંપનીએ ગ્રાહકો માટે ઓનલાઇન બુકિંગ, આકર્ષક રીટેલ ફાયનાન્સ અને 6 વર્ષની વોરંટી જેવી સર્વિસ માર્કેટમાં મૂકી છે. હોન્ડાનું બીજુ સૌથી વધુ વેચાણ થયેલુ મોડલ Honda Shine 125 છે. વર્તમાન સમયમાં Honda Shine 125 ભારતની સૌથી વધુ વેચાણ થતી મોટરસાયકલ છે.