રાષ્ટ્રીય શિક્ષણ નીતિ હેઠળ શાળાઓમાં ત્રીજી ભાષા શીખવવાનો મુદ્દો તમિલનાડુમાં ચર્ચામાં

રાજ્યમાં ભાજપના નેતાઓ અને સીએમ સ્ટાલિન વચ્ચે ઉગ્ર દલીલ

તમિલનાડુના મુખ્યમંત્રી એમ.કે. સ્ટાલિને શુક્રવારે કહ્યું હતું કે સાચી પ્રગતિ નવીનતામાં રહેલી છે, લાદવામાં આવતી ભાષામાં નહીં. તેમણે કહ્યું કે આર્ટિફિશિયલ ઇન્ટેલિજન્સના યુગમાં, શાળાઓમાં કોઈપણ ભાષાને ત્રીજી ભાષા તરીકે લાદવી બિનજરૂરી છે. તેમણે સોશિયલ મીડિયા પ્લેટફોર્મ ‘X’ પર એક પોસ્ટમાં કહ્યું, હિંદીની હિમાયતી કરતા ભાજપના નેતાઓ આગ્રહ રાખે છે કે, ‘ઉત્તર ભારતમાં ચા, પાણીપુરી ખરીદવા અથવા શૌચાલયનો ઉપયોગ કરવા માટે તમારે હિન્દી જાણવી જ જોઈએ’

વધારાની ભાષાઓનો બોજ ન હોવો જોઈએ: સ્ટાલિન, સીએમ સ્ટાલિને કહ્યું કે આર્ટિફિશિયલ ઇન્ટેલિજન્સના યુગમાં, શાળાઓમાં કોઈપણ ભાષાને ત્રીજી ભાષા તરીકે શીખવવાનો આગ્રહ રાખવો બિનજરૂરી છે. મુખ્યમંત્રીએ કહ્યું, ‘અદ્યતન અનુવાદ ટેકનોલોજી પહેલાથી જ ભાષાના અવરોધોને તાત્કાલિક દૂર કરે છે.’ વિદ્યાર્થીઓ પર વધારાની ભાષાઓનો બોજ ન હોવો જોઈએ. તેના બદલે, વિદ્યાર્થીઓએ વિજ્ઞાન અને ટેકનોલોજીમાં વિશેષતા મેળવતી વખતે તેમની માતૃભાષા અને અંગ્રેજીમાં નિપુણતા મેળવવા પર ધ્યાન કેન્દ્રિત કરવું જોઈએ.

BJP leaders advocating Hindi insist, “You must know Hindi to buy tea, pani puri, or use toilets in North India.”

In the Age of AI, forcing any language as a third language in schools is unnecessary. Advanced translation technology already removes language barriers instantly.… pic.twitter.com/b5s5tpHuPZ

— M.K.Stalin (@mkstalin) February 28, 2025

ભાજપે સ્ટાલિનને પ્રશ્ન પૂછ્યો; અન્નામલાઈએ પૂછ્યું, ‘શું તેઓ હિન્દીનો પ્રચાર કરી રહ્યા છે?’ NEP ત્રણ ભાષાની નીતિની હિમાયત કરે છે, જેમાં કોઈપણ ભારતીય ભાષાને ત્રીજી ભાષા તરીકે ગણવામાં આવશે. રાજ્યમાં બે અલગ અલગ નિયમો કેમ છે? જો ખાનગી શાળાના વિદ્યાર્થીને ત્રીજી ભાષા શીખવાની તક આપવામાં આવે છે, તો આપણી સરકારી શાળાના વિદ્યાર્થીઓ તેનાથી કેમ વંચિત રહે છે?