દિલ્હીની શાળાઓને સતત બોમ્બની ધમકીઓ શાળા પ્રશાસનને પણ મુશ્કેલીનો સામનો

દિલ્હીની શાળાઓને સતત બોમ્બની ખોટી ધમકીઓ મળી રહી છે. જેના કારણે વિદ્યાર્થીઓના શિક્ષણ પર અસર પડી રહી છે અને શાળા પ્રશાસનને પણ મુશ્કેલીનો સામનો કરવો પડી રહ્યો છે. દિલ્હીની શાળાઓમાં બોમ્બની ખોટી ધમકીઓ ચાલુ છે. ગઈકાલે પણ દિલ્હીની ઘણી શાળાઓને બોમ્બ હુમલાની ધમકી આપવામાં આવી હતી. જો કે હજુ સુધી તપાસમાં કંઈપણ શંકાસ્પદ મળ્યું નથી. ઘણી સ્કૂલોને ધમકીભર્યો મેલ મોકલવામાં આવ્યો હતો. જો કે, અન્ય સૂત્રો કહે છે કે આરકે પુરમ ડીપીએસ પર સવારે કોલ આવ્યો હતો. આ ફોન કોલ દ્વારા સ્કૂલમાં બોમ્બ હોવાની ધમકી આપવામાં આવી છે.

શાળા પ્રશાસને બોમ્બની ધમકી અંગે પોલીસ અને ફાયર વિભાગને જાણ કરી હતી. આ પછી આખી સ્કૂલમાં તપાસ કરવામાં આવી તો ક્યાંય કશું મળ્યું નહીં. દિલ્હીની શાળાઓમાં બોમ્બ હોવાની ખોટી ધમકી ઘણા દિવસોથી આપવામાં આવી રહી છે. હોસ્પિટલ અને એરપોર્ટ પર બોમ્બની ધમકીઓ પણ મળી છે, પરંતુ તમામ ધમકીઓ પોકળ સાબિત થઈ છે. પોલીસ અને તપાસ એજન્સીઓ એ જાણવાનો પ્રયાસ કરી રહી છે કે બોમ્બની અફવા કોણ ફેલાવી રહ્યું છે.

દિલ્હી પોલીસના સ્પેશિયલ સેલે બોમ્બની ધમકીનો ઈમેલ મોકલવાના આરોપમાં ખાનગી શાળામાં અભ્યાસ કરતા વિદ્યાર્થીને શોધી કાઢ્યો છે. સ્પેશિયલ સેલના સૂત્રોના જણાવ્યા અનુસાર આ બાળકે તેની જ શાળામાં બોમ્બની ધમકીનો ઈમેલ મોકલ્યો હતો. આ પછી આઈપી એડ્રેસ ટ્રેસ કરતી વખતે દિલ્હી પોલીસ સ્પેશિયલ સેલની ટીમ તેના ઘરે પહોંચી. જ્યાં બાળકે આ દુષ્કર્મ પોતે જ કર્યું હોવાનું જણાવ્યું હતું.