પશ્ચિમ બંગાળ પોલીસે બે લોકોની ધરપકડ કરી હતી અને ટેબલેટ સ્કીમ કૌભાંડના સંબંધમાં 27 FIR નોંધી હતી. પશ્ચિમ બંગાળમાં સરકારી શાળાઓના 16 લાખ વિદ્યાર્થીઓમાંથી 1,911 વિદ્યાર્થીઓ રાજ્ય સરકારની ‘તરુણેર સ્વપ્ન’ યોજના સંબંધિત સાયબર છેતરપિંડીનો શિકાર બન્યા છે. “અમે 120 કેસ નોંધ્યા છે અને કેસમાં કથિત સંડોવણી બદલ 13 વધુ લોકોની ધરપકડ કરી છે, અધિકારીએ કહ્યું. પોલીસે આ કેસની તપાસ કરવા અને વિદ્યાર્થીઓ સાથે છેતરપિંડી કરનારાઓને ઓળખવા માટે સ્પેશિયલ ઇન્વેસ્ટિગેશન ટીમ ની રચના કરી છે.
ટેબલેટ કૌભાંડ શું છે?
વાસ્તવમાં, આ યોજના હેઠળ, ધોરણ 10 અને 12 ના વિદ્યાર્થીઓને ટેબલેટ ખરીદવા માટે 10,000 રૂપિયા આપવામાં આવે છે. વિદ્યાર્થીઓના બેંક ખાતામાં મોકલવામાં આવેલ સરકારી ભંડોળ અન્યત્ર ડાયવર્ટ કરવામાં આવ્યું હતું. આ કૌભાંડમાં અત્યાર સુધીમાં 93 કેસ નોંધાયા છે અને છેતરપિંડીની પ્રવૃત્તિઓના સંબંધમાં 11 લોકોની ધરપકડ કરવામાં આવી છે. ધોરણ 10 અને 12ના 16 લાખ વિદ્યાર્થીઓમાંથી 1,911 વિદ્યાર્થીઓ સાથે છેતરપિંડી કરવામાં આવી છે.” સરકારના જણાવ્યા અનુસાર, આ છેતરપિંડી મહારાષ્ટ્ર, રાજસ્થાન અને ઝારખંડ સહિતના ઘણા રાજ્યોના સાયબર ગુનેગારો દ્વારા કરવામાં આવી હતી.
