શિયાળાની શરૂઆત સાથે જ  દિલ્હીમાં એર ક્વોલિટી ઝેરી બની AQI 400ને પાર

દિલ્હીમાં એર ક્વોલિટી ઇન્ડેક્સ સતત વધી રહ્યો છે. સવારે હવાની ગુણવત્તા ‘ખૂબ નબળી’ શ્રેણીમાં નોંધાઈ હતી. શિયાળાની શરૂઆત સાથે જ  દિલ્હીમાં એર ક્વોલિટી ઝેરી બની ગઈ છે. હવામાનમાં બદલાવ સાથે વધતા પ્રદૂષણને કારણે લોકોને ઘણી સ્વાસ્થ્ય સમસ્યાઓનો સામનો કરવો પડી રહ્યો છે. એર ક્વોલિટી ઇન્ડેક્સ (AQI) સતત વધી રહ્યો છે. સોમવારે સવારે, દિલ્હીમાં હવાની ગુણવત્તા ‘ખૂબ નબળી’ શ્રેણીમાં નોંધવામાં આવી હતી અને દિલ્હીના ઘણા ભાગો ધુમ્મસના જાડા સ્તર હેઠળ રહ્યા હતા.

સેન્ટ્રલ પોલ્યુશન કંટ્રોલ બોર્ડ (CPCB) અનુસાર, દિલ્હીમાં એકંદર હવા ગુણવત્તા સૂચકાંક (AQI) સવારે 9:00 વાગ્યે 349 નોંધાયો હતો. જો કે, દિલ્હીના 39 હવામાન મથકોમાંથી ઓછામાં ઓછા બે, બવાના અને જહાંગીરપુરીએ હવાની ગુણવત્તા સૂચકાંક અનુક્રમે 401 અને 412 પર ‘ગંભીર’ શ્રેણીમાં નોંધ્યો હતો.