સોનું-ચાંદી નહીં પણ અહીંયા થઈ રહી છે કેરીની તસ્કરી, 16 લાખની કિંમતના 260 બોક્સ યોગીની પોલીસે પકડી લીધા

દિવાળી પહેલા દેશમાં દાણચોરો સક્રિય થયા છે અને આ દાણચોરો સોના-ચાંદીની નહીં પણ કેરીની દાણચોરી કરી રહ્યા છે. ઉત્તર પ્રદેશના બહરાઈચમાં પોલીસે પાકેલી કેરીઓ લઈ જતી ટ્રકને પકડી છે. આ ટ્રકમાં 42 ક્વિન્ટલ ચાઈનીઝ કેરીઓ ભરેલી હતી, જેની કિંમત લગભગ 16 લાખ રૂપિયા હોવાનું કહેવાય છે. યુપી પોલીસે જણાવ્યું કે ગેરકાયદેસર ચાઈનીઝ કેરીના 260 બોક્સ મળી આવ્યા છે. આ અંગે તમામ વિભાગોને જાણ કરી આગળની કાર્યવાહી હાથ ધરવામાં આવી છે. પોલીસે એમ પણ કહ્યું હતું કે કેરીઓને દિલ્હી લઈ જવામાં આવી રહી હતી અને તેની સાથે ભરેલા દરેક બોક્સનું વજન 16 કિલો હતું.

બહરાઈચ જિલ્લાની નાનપારા પોલીસે ચીનથી દિલ્હી થઈને નેપાળ મોકલવામાં આવી રહેલી પાકી કેરીના કન્સાઈનમેન્ટને અટકાવી છે. જણાવવામાં આવી રહ્યું છે કે ટ્રક નંબર UP 40 AT 1525 નેપાળથી દિલ્હી તરફ જઈ રહ્યો હતો. જ્યારે પોલીસે વાહનની તલાશી લીધી ત્યારે તેમને વાહનમાં પાકેલી કેરીનો મોટો જથ્થો મળી આવ્યો હતો. ટ્રક ડ્રાઈવરે જણાવ્યું કે આ કેરીઓ દિલ્હી લઈ જવામાં આવી રહી હતી, પરંતુ જ્યારે કેરી સંબંધિત દસ્તાવેજો પૂછવામાં આવ્યા ત્યારે ડ્રાઈવર પાસે કોઈ કાગળ મળ્યો ન હતો. આ પછી પોલીસે પાકેલી કેરીઓ ભરેલું વાહન જપ્ત કર્યું હતું.