દિલ્હીમાં ચૂંટણી પહેલા CM આતિશીનો મોટો નિર્ણય, MLA ફંડમાં 50% વધારો, હવે 15 કરોડ રૂપિયા મળશે

દિલ્હીમાં વિધાનસભા ચૂંટણી પહેલા આમ આદમી પાર્ટીની સરકારે MLA લોકલ એરિયા ડેવલપમેન્ટ (MLALAD) ફંડમાં 50%નો વધારો કર્યો છે. આતિશીની કેબિનેટે આ સંબંધમાં પ્રસ્તાવને મંજૂરી આપી દીધી છે. ધારાસભ્યોને વિકાસ કાર્યો માટે મળતું ભંડોળ વાર્ષિક 10 કરોડથી વધારીને 15 કરોડ રૂપિયા કરવામાં આવ્યું છે.

અન્ય રાજ્યોની સરખામણી કરતા, સીએમ આતિશીએ જણાવ્યું હતું કે ગુજરાત મતવિસ્તાર દીઠ રૂ. 1.5 કરોડ ફાળવે છે, જ્યારે આંધ્રપ્રદેશ અને કર્ણાટક જેવા રાજ્યો રૂ. 2 કરોડ આપે છે. તેમણે કહ્યું કે મહારાષ્ટ્ર, કેરળ અને રાજસ્થાન જેવા મોટા રાજ્યો પણ વાર્ષિક માત્ર 5 કરોડ રૂપિયા ફાળવે છે. આ રીતે, દિલ્હી સરકાર હવે તેના ધારાસભ્યોને અન્ય રાજ્યોની તુલનામાં ત્રણ ગણું ફંડ આપશે.

ધારાસભ્યોને આ કામ માટે ફંડ મળે છે

ગુરુવારે કેબિનેટના નિર્ણયની ઘોષણા કરતા મુખ્યમંત્રી આતિશીએ કહ્યું કે દિલ્હી પહેલું રાજ્ય છે જ્યાં ધારાસભ્યોને મળતું ભંડોળ અન્ય રાજ્યો કરતાં ત્રણ ગણું છે. સ્થાનિક વિકાસ જેવા કે રસ્તાઓ અને સ્ટ્રીટ લાઇટનું સમારકામ, ઉદ્યાનો વિકસાવવા અને વસાહતોમાં ગટર લાઇન નાખવા માટે ધારાસભ્યોને દર વર્ષે MLLADS ભંડોળ બહાર પાડવામાં આવે છે.