બિહારઃ પટનામાં ભારે વરસાદ બાદ વિધાનસભા અને મંત્રીઓના ઘરોમાં ઘુસ્યા વરસાદી પાણી

વરસાદના કારણે વાહનવ્યવહારને પણ ભારે અસર થઈ હતી. પાણીમાં ડૂબી ગયેલા વિસ્તારોમાં વાહનોની અવરજવર ખોરવાઈ ગઈ હતી. શહેરની ઘણી હોસ્પિટલોમાં પણ પાણી ભરાયા હોવાના અહેવાલ છે. મુખ્યમંત્રી નીતિશ કુમારે પરિસ્થિતિનો તાગ મેળવ્યો અને શહેરના વિવિધ અસરગ્રસ્ત વિસ્તારોનું નિરીક્ષણ કર્યું.

બિહાર વિધાનસભા સંકુલ અને લગભગ 100 મીટર દૂર રહેતા કેટલાક રાજ્ય મંત્રીઓના સત્તાવાર બંગલા પાણી ભરાવાથી પ્રભાવિત થયા હતા. બિહારના જળ સંસાધન વિભાગના અધિકારીઓએ કહ્યું કે સ્થિતિ હજુ ચિંતાજનક નથી. અધિકારીએ જણાવ્યું કે છેલ્લા કેટલાક દિવસોમાં વરસાદને કારણે રાજ્યમાં ગંડક, કોસી, ગંગા, બુધી ગંડક, મહાનંદા અને કમલા નદીઓના જળસ્તરમાં વધારો થયો છે.