![](https://www.rakhewaldaily.com/wp-content/uploads/2024/07/kan.png)
ગાઝીપુરમાં બોલેરોએ કંવરિયાઓને ટક્કર મારી, બેનાં મોત
સાવનનાં બીજા સોમવારને લઈને આજે દેશભરમાં ઉત્તેજના છે. વિવિધ સ્થળોએ મંદિરોમાં કંવરીયાઓ અને શિવભક્તોની કતારો જોવા મળે છે. જો કે, આ દરમિયાન ઉત્તર પ્રદેશના ગાઝીપુરથી એક ભયાનક ઘટના સામે આવી છે. ખાનપુર પોલીસ સ્ટેશન વિસ્તારના બિહારીગંજ ડગરા-મહેનાજપુર રોડ પર રવિવારે મોડી સાંજે રોડ અકસ્માતમાં બે કંવરિયાઓના મોત થયા છે.
કેવી રીતે થયો અકસ્માત?
અત્યાર સુધીની પ્રાપ્ત માહિતી અનુસાર, ગાઝીપુરના ખાનપુર પોલીસ સ્ટેશન વિસ્તારમાં બિહારીગંજ ડગરા-મહેનાજપુર રોડ પર રવિવારે મોડી રાત્રે એક હાઇ સ્પીડ બોલેરો વાહનની ટક્કરથી બે કંવરિયાઓના મોત થયા છે જ્યારે બે કંવરીઓ ઘાયલ થયા હોવાની માહિતી પણ સામે આવી છે.
થોડા દિવસો પહેલા ઉત્તર પ્રદેશના મુઝફ્ફરનગરમાં એક કંવરિયાનું એક કરુણ માર્ગ અકસ્માતમાં મોત થયું હતું. વાસ્તવમાં, 3 ભક્તો જે કંવર સાથે આવી રહ્યા હતા, તેઓ થાકી ગયા હતા અને રસ્તાની બાજુએ સૂઈ ગયા હતા અને એક કંવર ભક્ત ત્યાં બેઠો હતો. એક સ્પીડમાં આવતી બાઇકે નિંદ્રાધીન ભક્તને ટક્કર મારી અને ભાગી ગયો હતો.