રાજ્યમાં વરસાદે મચાવી તબાહી, કલ્યાણપુર તાલુકામાં સૌથી વધુ 281 મીમી વરસાદ નોંધાયો

સોમવારના રોજ સૌરાષ્ટ્ર અને દક્ષિણ ગુજરાતના ભાગોમાં ભારે વરસાદ પડ્યો હતો, જેના કારણે અનેક ગામો પાણીમાં ડૂબી ગયા હતા અને દેવભૂમિ દ્વારકા જિલ્લામાં ફસાયેલા ત્રણ લોકોને બચાવવા માટે ભારતીય વાયુસેનાના હેલિકોપ્ટરને તૈનાત કરવાની ફરજ પડી હતી. દેવભૂમિ દ્વારકા જિલ્લાના કલ્યાણપુર તાલુકામાં સાંજે 6 વાગ્યા સુધીના 12 કલાકના સમયગાળામાં 281 મિમી વરસાદ નોંધાયો છે. હવામાન વિભાગે આગાહી કરી છે કે રાજ્યના આ ભાગોમાં 25 જુલાઈ સુધી વરસાદ ચાલુ રહેશે.

મુખ્યમંત્રી કાર્યાલય (CMO), મહેસૂલ વિભાગ અને રાજ્ય રાહત કમિશનરના પ્રયાસોથી, ભારતીય વાયુસેનાનું હેલિકોપ્ટર તૈનાત કરવામાં આવ્યું હતું, જેણે તેમને બચાવ્યા અને તેમને જામનગર એરફોર્સ બેઝ પર એરલિફ્ટ કર્યા, પંડ્યાએ એક વીડિયો નિવેદનમાં જણાવ્યું હતું. SEOC દ્વારા આપવામાં આવેલી માહિતી મુજબ, સૌરાષ્ટ્રના જૂનાગઢ, રાજકોટ અને ગીર સોમનાથના ભાગો તેમજ રાજ્યના દક્ષિણ ભાગમાં સુરત અને વલસાડમાં ભારે વરસાદ થયો હતો.