![](https://www.rakhewaldaily.com/wp-content/uploads/2024/07/gaza.png)
ગાઝામાં સ્થિતિ વધુ વણસી, ઈઝરાયેલના ભીષણ હુમલામાં બાળકો સહિત 15 લોકોના મોત
ઇઝરાયેલ અને હમાસ વચ્ચે યુદ્ધ ચાલુ છે. યુદ્ધના કારણે ગાઝા સંપૂર્ણપણે નાશ પામ્યું છે. લોકોને ન તો ખાવાનું મળી રહ્યું છે અને ન તો પીવા માટે પાણી. યુદ્ધના કારણે મહિલાઓ અને બાળકોની હાલત સૌથી ખરાબ છે. ગાઝામાં ઈઝરાયેલના હુમલા ચાલુ છે. દરમિયાન, ગાઝામાં ઈઝરાયેલ દ્વારા કરવામાં આવેલા તાજા હવાઈ હુમલામાં મહિલાઓ અને બાળકો સહિત ઓછામાં ઓછા 15 લોકોના મોત થયા છે. હોસ્પિટલના અધિકારીઓએ આ અંગે માહિતી આપી છે.
ઈઝરાયેલ તરફથી આ તાજેતરનો હુમલો એવા સમયે કરવામાં આવ્યો છે જ્યારે ઈઝરાયેલના વડાપ્રધાન બેન્જામિન નેતન્યાહુ સોમવારે અમેરિકા જવા રવાના થશે, જ્યાં તેઓ અમેરિકી રાષ્ટ્રપતિ જો બિડેન સાથે મુલાકાત કરશે. આ દરમિયાન નેતન્યાહુ યુએસ સંસદને સંબોધિત કરશે અને હમાસ વિરુદ્ધ નવ મહિના લાંબા યુદ્ધ માટે પોતાનું વલણ રજૂ કરશે, જ્યારે યુદ્ધવિરામની વાતચીત ચાલુ રહેશે.