દિલ્હીના જળ મંત્રી આતિશીને LNJP હોસ્પિટલમાંથી રજા અપાઈ

દિલ્હીના મંત્રી આતિશીને આજે એટલે કે ગુરુવારે સવારે LNJP હોસ્પિટલમાંથી રજા આપવામાં આવી હતી. ઉપવાસ દરમિયાન આતિશીની તબિયત બગડી હતી, જે બાદ તેને હોસ્પિટલમાં દાખલ કરવામાં આવી હતી. દિલ્હીમાં જળ સંકટ સામે તેણી ભૂખ હડતાલ પર હતી. હોસ્પિટલ પ્રશાસને જણાવ્યું કે આતિશીને સવારે 10.30 વાગ્યે હોસ્પિટલમાંથી રજા આપવામાં આવી હતી.

ગઈકાલે એટલે કે બુધવારે સમાજવાદી પાર્ટીના અધ્યક્ષ અખિલેશ યાદવ અને માર્ક્સવાદી કમ્યુનિસ્ટ પાર્ટીના નેતા વૃંદા કરાત હોસ્પિટલમાં આતિશીને મળ્યા હતા. આતિશીના જણાવ્યા અનુસાર, દિલ્હીના રહેવાસીઓ પાણીની કટોકટીનો સામનો કરી રહ્યા છે કારણ કે હરિયાણા દરરોજ 100 મિલિયન ગેલન પાણી (MGD) છોડતું નથી. તમને જણાવી દઈએ કે આતિશીએ 22 જૂનથી અનિશ્ચિત સમયની ભૂખ હડતાળ શરૂ કરી હતી.