ચીને મુસાફરોને આપી ચેતવણી, કહ્યું…ફ્લાઈટમાં બારીના પડદા ખોલવા પર છે પ્રતિબંધ

ચીનની ટોચની ગુપ્તચર એજન્સીએ હવાઈ પ્રવાસીઓને ચેતવણી આપી છે કે તેઓ ડ્યુઅલ-યુઝ (નાગરિક અને સૈન્ય) એરપોર્ટ પર ટેકઓફ અને લેન્ડિંગ દરમિયાન ફોટોગ્રાફ્સ લેવા માટે બારીના પડદા ન ખોલે. એરપોર્ટ પર એક વિદેશી નાગરિક મોબાઈલ ફોન સાથે તસવીરો લેતા જોવા મળ્યા બાદ ગુપ્તચર એજન્સીએ લોકોને આ અંગે ચેતવણી આપી છે.

સંરક્ષણ મંત્રાલયે તેના અધિકૃત સોશિયલ મીડિયા એકાઉન્ટ પરની એક પોસ્ટમાં મુસાફરોને ડ્યુઅલ-યુઝ એરપોર્ટ પર ટેક-ઓફ અને લેન્ડિંગ દરમિયાન વિન્ડો બ્લાઇંડ્સ બંધ રાખવાની સૂચનાઓનું પાલન કરવા વિનંતી કરી હતી. તેમાં કહેવામાં આવ્યું છે કે મુસાફરોએ અનધિકૃત ફોટોગ્રાફ્સ અથવા વીડિયો ન લેવા જોઈએ અને આવી સામગ્રી ઓનલાઈન અપલોડ કરવી જોઈએ નહીં.

જાણો શું હતો મામલો 

સ્થાનિક મીડિયા અહેવાલો અનુસાર, આ મહિનાની શરૂઆતમાં, પૂર્વી ચીનના શહેર યીવુથી બેઇજિંગની ફ્લાઈટમાં સવાર એક વિદેશી નાગરિકે કથિત રીતે એરપોર્ટના ફોટોગ્રાફ્સ લેવા માટે મોબાઈલ ફોનનો ઉપયોગ કર્યો હતો. અહેવાલો અનુસાર, વિમાનમાં સવાર એક મુસાફરે આ બાબતની જાણ કરી, જેના પછી સ્થાનિક અધિકારીઓએ પોલીસને ચેતવણી આપી.