ગરમીનો કહેર! કોરોના બાદ પહેલીવાર કરાયા 142 મૃતદેહોનો અગ્નિસંસ્કાર

કોરોના બાદ બુધવારે સૌથી વધુ મૃતદેહો દિલ્હીના નિગમબોધ ઘાટ પર પહોંચ્યા હતા. તેનું એક કારણ આકરી ગરમી હોવાનું કહેવાય છે. નિગમબોધ ઘાટ એ દિલ્હીનું સૌથી મોટું સ્મશાન છે. સામાન્ય રીતે અહીં દરરોજ 50 થી 60 મૃતદેહો આવે છે પરંતુ બુધવારે 142 મૃતદેહો આવ્યા હતા. છેલ્લા કેટલાક સમયથી જૂન મહિનામાં સ્મશાન ગૃહમાં મૃતદેહોની સંખ્યામાં વધારો નોંધાઈ રહ્યો છે.

કોવિડના દિવસોમાં, મૃતદેહોની સંખ્યામાં વધારો જોવા મળતો હતો. તે દરમિયાન જૂન મહિનામાં મૃતદેહોની સંખ્યા 1500 હતી. કોવિડ રોગચાળા દરમિયાન, નિગમબોધ ઘાટ પર એક દિવસમાં 253 મૃતદેહો આવતા હતા. નિગમબોધ ઘાટના પ્રભારી સુમન ગુપ્તાએ આ અંગે જણાવ્યું હતું કે, “રાષ્ટ્રીય રાજધાની દિલ્હીમાં આકરી ગરમી પડી રહી છે. જેના કારણે સ્મશાનમાં મૃતદેહોની સંખ્યામાં વધારો થયો છે. એ કહેવામાં કોઈ સંકોચ ન હોવો જોઈએ કે ગઈકાલે કોરોના પછી સૌથી વધુ મૃતદેહો આવ્યા હતા. નિગમબોધ ઘાટ એ દિલ્હીનું સૌથી મોટું સ્મશાન છે. કોઈપણ રીતે, અહીં દરરોજ મોટી સંખ્યામાં મૃતદેહો આવે છે.