UPમાં કોંગ્રેસનાં કાર્યકરોને ધમકાવ્યા, ડરાવ્યા, ખોટા કેસ દાખલ કરવામાં આવ્યા: પ્રિયંકા ગાંધી

કોંગ્રેસ મહાસચિવ પ્રિયંકા ગાંધીએ વધુમાં કહ્યું કે કોંગ્રેસના કાર્યકરોને અનેક રીતે હેરાન કરવામાં આવ્યા અને તેમની સામે અનેક ખોટા કેસ દાખલ કરવામાં આવ્યા, આ બધું હોવા છતાં તેઓ ઝૂક્યા નહીં. તેમણે પોતાની હિંમત દેખાડવાનું ચાલુ રાખ્યું જેના કારણે કોંગ્રેસનો વિજય થયો.

પ્રિયંકા ગાંધીએ ટ્વિટ દ્વારા શું કહ્યું?

યુપીમાં કોંગ્રેસની જીત બાદ પ્રિયંકા ગાંધીએ કહ્યું, ‘મારા તમામ કોંગ્રેસી સાથીઓને મારી સલામ. મેં તેમને તડકા અને ધૂળમાં સખત મહેનત કરતા જોયા, તમે ઝૂક્યા નહીં, તમે રોકાયા નહીં, તમે સૌથી મુશ્કેલ સમયમાં લડવાની હિંમત બતાવી. તમારા પર ત્રાસ ગુજારવામાં આવ્યો, તમારા પર ખોટા કેસ દાખલ કરવામાં આવ્યા, તમને જેલમાં ધકેલી દેવામાં આવ્યા, તમને વારંવાર નજરકેદ કરવામાં આવ્યા પરંતુ તમે ડર્યા નહિ.

આગળ તેમણે કહ્યું, ‘મને તમારા પર અને યુપીના જાગૃત લોકો પર ગર્વ છે, જેમણે આ દેશની ઊંડાઈ અને સત્યને સમજ્યું અને સમગ્ર ભારતને આપણા બંધારણને બચાવવાનો નક્કર સંદેશ આપ્યો. તમે આજના રાજકારણમાં એક જૂનો આદર્શ ફરીથી સ્થાપિત કર્યો છે – કે લોકોના મુદ્દા સર્વોપરી છે અને તેને નકારવાની કિંમત ભારે છે. ચૂંટણી જનતાની છે, માત્ર લોકો જ લડે છે, જનતા જ જીતે છે